Infórmase á veciñanza da posta en marcha neste Concello do Programa de “Xantar na Casa” que constitúe un servizo de comida a domicilio que pretende facilitar e garantir unha alimentación equilibrada e de calidade adaptada ás necesidades das persoas maiores e/ou dependentes, que non poden valerse por si mesmas para cubrir as súas necesidades básicas relacionadas coa compra ou elaboración de menús.
Con este tipo de recurso preténdese que as persoas maiores e/ou dependentes poidan seguir vivindo nos seus fogares o maior tempo posible e cun nivel de independencia e autonomía aceptable.
PERSOAS BENEFICIARIAS
Son posibles beneficiarios/as do programa "Xantar na Casa" as persoas empadroadas e residentes no concello de Aranga e que cumpran os seguintes requisitos:
· Persoas maiores de 60 anos, que teñan limitada a súa capacidade de autonomía persoal, e sen rede de apoio que poida suplir tal situación.
· Persoas dependentes, que carezan de apoio familiar, e requiren de axuda para a preparación de alimentos.
· Persoas menores de 60 anos en situación de exclusión social, tecnicamente avaliada polos servizos sociais do Concello.
SOLICITUDES
Poderán solicitar este servizo nos servizos sociais do concello todas as persoas que cumpran os requisitos, previa cita, nos teléfonos: 646578768/981793551.