Este San

Valentín ASETEM lanza a campaña #NamorateEnMelide

www.asetem.com

Melide, 5 de febreiro de 2021. Este ano, dada a situación sanitaria pola que estamos

atravesando, dende ASETEM-CCA imos desenvolver unha campaña de San Valentín

para impulsar e promover o comercio local a través das redes sociais. A pesares

dos peches perimetrais e das duras restricións que temos en toda Galicia, na

Asociación de Empresarios da Terra Melide cremos que é imprescindible que tanto

comerciantes como compradores non perdan nin a ilusión nin as ganas de

namorarse.

A

campaña de San Valentín 2021 celebrarase entre o 5 e o 14 de febreiro e vai ter

dúas grandes ramas: a dos comerciantes e a dos usuarios das redes sociais. Por

unha banda, para impulsar e promocionar os produtos dos nosos comerciantes,

estes mandarannos fotografías dos mellores agasallos, cos que contan na tenda,

para San Valentín e dende o Instagram e o Facebook de ASETEM publicarémolas

facendo un escaparate virtual dedicado a esta datas. Por outra banda, para

intentar que a veciñanza non perda a ilusión e apoiar tamén o sector da

hostalería, animaremos a través das nosas redes á que todas aquelas persoas que

queiran suban as redes sociais unha imaxe celebrando o amor, xa ben sexa

cociñando xuntos, mercando nos comercios da vila ou realizando algunha outra

actividade. Estas fotos deben ir acompañadas co cancelo #NamorateEnMelide para

poder participar e gañar unha cea romántica para dous, valorada en 100 euros,

para gastar nun establecemento da hostalería asociado a ASETEM que son: Bodega

Curros, Casa Alongos, Hotel Carlos 96, Jacarandá, Pazo de Eidián, Parrillada

Rúa, Parrillada O Carburo, Parrillada Pilmar, Pulpería Ezequiel e O Tobo do

Lobo. A publicación que teña máis “gústasme” no Facebook e no Instagram serán

os gañadores ou gañadoras desta cea.

En

ASETEM-CCA non queremos deixar de apoiar e impulsar o comercio local de Melide

e menos nestes momentos tan complicados. Ademais, debemos resaltar que o

comercio é seguro, xa que se respectan todas as medidas de seguridade ante a

COVID-19. Por todas estas razóns, este San Valentín #NamorateEnMelide.