♻️ O CONCELLO DE CARIÑO REFORZA A SÚA APOSTA POLA COMPOSTAXE DOMÉSTICA COA ENTREGA DE COMPOSTEIROS Á VECIÑANZA

O Concello de Cariño pon en marcha unha nova campaña de fomento da compostaxe doméstica, coa que se entregarán 30 composteiros gratuítos nunha primeira fase a vivendas unifamiliares do municipio.

Trátase dunha iniciativa destinada a mellorar a xestión dos residuos orgánicos e fomentar prácticas máis sostibles nos fogares, cofinanciada pola Unión Europea no marco do programa Galicia FEDER 2021-2027.

 QUEN PODE SOLICITALO?

Poderá acceder a un composteiro a veciñanza que cumpra os seguintes requisitos:

• Residir nunha vivenda unifamiliar con parcela ou horta de, como mínimo, 25 m².

• Asistir á charla informativa, requisito obrigatorio para obter o composteiro.

- COMO SOLICITALO?

- Dende hoxe, xoves 15, as persoas interesadas deberán chamar ao Concello de Cariño, no teléfono 981 405 064, para inscribirse.

- CHARLA INFORMATIVA
- Local social 
-️ Venres,23 de outubro
- 19:30 h

Entregarase un único composteiro por vivenda e as 30 prazas dispoñibles cubriranse por orde de inscrición.