En colaboración co Fondo Galego de Cooperación e Solidariedade. Sábado 1 de decembro de 2018, a partir das 18 horas. Auditorio Municipal. Entrada gratuita.

Ficha artística:

Elenco: Marta Ortiz e Brais das Hortas
Modalidade artística: Narración oral, música ao vivo
Público infantil e familiar
Idioma: Galego
Duración: 60 minutos

Sinopse:

Antía é unha nena galega que vai merendar ao parque. Wamba é un mozo do Congo que vende de todo no Top Manta para poder sobrevivir. Unha carreira, un tropezó e un bocadillo van unir as súas vidas e van compartir o que nese momento levan enriba: Antía, a súa merenda, e Wamba, as súas historias.

Ao longo do espectáculo, Wamba contaralle a Antía catro historias que falan de África e de Europa, do que nos sobra e do que nos falta, de compartir de verdade, de valorar o importante, de rir, de mirar con esperanza ao futuro… contos para bailar e cantar, para xogar, pero tamén para sentir e pensar.

Todo fiado coa voz de Wamba e un refrán de súa avoa: o río énchese de regatos pequenos.