O gasto subvencionable é a suma a prezo global de obtención dos permisos de condución , baseado no prezo medio de mercado na Comunidade Autónoma de Galicia para cada tipo de carné.

O importe da axuda será de:

• 150 euros para a obtención do permiso de condución de clase A2 
• 400 euros para o permiso de condución de clase B.

O importe da axuda será acumulativo no caso de que unha mesma persoa solicite axuda para a obtención dos dous permisos obxecto da orde.

Destinatarios/as

Persoas mozas que cumpran os seguintes requisitos na data de presentación da solicitude:

1. Ter feitos os 18 anos, e non ter feitos os 31.
2. Estar empadroadas na CA de Galicia cunha antigüidade mínima dun ano.
3. Non estar traballando por conta propia nin allea.
4. Ter aprobado o/os permiso/s de conducir para o/os cales se solicita esta axuda con data de expedición entre o 1 de outubro de 2024 e a data de presentación da solicitude.
5.  Que a suma dos ingresos anuais dos membros da unidade familiar sexa igual ou inferior a cinco veces o IPREM de 2025, no seu cómputo anual, incluíndo dúas pagas extras.

Para a determinación dos ingresos partirase da contía da base impoñible xeral e do aforro reguladas nos artigos 48 e 49, respectivamente, da Lei 35/2006, do 28 de novembro, do IRPF, correspondente á declaración ou declaracións presentadas pola persoa solicitante e por cada unha dos membros da unidade familiar. Os datos fiscais que se terán en conta  corresponderán ao exercicio 2024.

As solicitudes presentaranse obrigatoriamente por medios electrónicos a través do formulario normalizado dispoñible na sede electrónica da Xunta de Galicia, https://sede.xunta.gal.

Prazo: desde o día 25 de agosto de 2025 ás 9.00 horas ata o día 25 de setembro de 2025 ás 20.00 horas, salvo que se produza con anterioridade o esgotamento do crédito orzamentario dispoñible