Nos últimos días se está a rexistrar un consumo excesivo de auga da traída municipal.

Por este motivo, pregamos aos usuarios deste servizo que exerzan un consumo responsable e racional da auga, xa que o seu uso inadecuado ou excesivo pode prexudicar a todas as persoas veciñas do concello.

Tendo en conta que este verán está a ser especialmente cálido e seco, e ante a escaseza de auga existente, cómpre evitar, na medida do posible, os consumos non prioritarios especialmente:

• 
  O enchido de piscinas privadas.
  
• 
  O rego continuado de xardíns e zonas verdes.
  
• 
  O lavado de vehículos.
  

Solicitamos a colaboración de toda a veciñanza para contribuír ao aforro de auga e garantir o abastecemento municipal.

Grazas pola vosa colaboración e responsabilidade.