• 2020-07-24 12:47:22
    Info General

    O programa de emprego ‘Xuventude polo emprego’, cofinanciado pola Consellería de Economía, Emprego e Industria a través do Fondo Social Europeo ‘Iniciativa de Emprego Xuvenil, o FSE inviste no teu futuro’, permitirá formar a 16 mozos e mozas de entre menores de 30, incluídos no ficheiro do Sistema nacional de garantía Xuvenil.

    A sede estará en Vimianzo, como entidade promotora, pero as prazas repartiranse de xeito equitativo entre Muxía, Camariñas e Vimianzo.

    Desenvolveranse dous módulos:
    • Desenvolvemento de aplicacións con tecnoloxía web. (Certificado de profesionalidade de nivel 3). 8 prazas
    • Instalación de elementos de carpintería. (Certificado de profesionalidade nivel 2). 8 prazas

    Todos os alumnos e alumnas terán un contrato de traballo durante a súa formación, que se desenvolverá do 15 de setembro de 2020 ao 14 de setembro de 2021.

    Mais información na Axencia de Emprego e Desenvolvemento Local do Concello de Muxía (981 74 20 01).