D.  JOSE MANUEL CASTRO BLANCO, alcalde do concello de Os Blancos,          


FAGO SABER

Que a Consellería de Medio Ambiente, Territorio e Vivenda sacou unha subvención para actuacións de corrección de impactos paisaxísticos (código de procedemento MT402A).

 

As actuacións subvencionables son:

-     Revestimento e pintado de paramentos cegos de fachada que actualmente estean rematados con materiais ou solucións construtivas non axeitadas para quedaren á vista, como fábrica de ladrillo, de bloques de formigón, formigón ou morteiro de cemento.

 

- Renovación do acabamento dos paramentos cegos de fachadas, carpintarías ou cerrallarías exteriores, que supoñan un impacto paisaxístico como consecuencia do deficiente estado de conservación ou da tonalidade e/ou a intensidade da actual cor de acabamento.

 

 - Remate ou renovación do acabado exterior de cubertas que, ben por estar rematadas con pranchas de fibrocemento ou solucións construtivas non axeitadas para quedaren á vista, ben por atoparse nun deficiente estado de conservación, constitúen un impacto paisaxístico.

 

- Revestimento de muros de cerramento de predios realizados con ladrillo ou bloques de formigón, sen revestir.

 

- Recuperación, restauración ou arranxo de muros de pedra tradicionais, co obxecto de evitar o potencial impacto paisaxístico que produciría a súa perda, así como o que produce o seu mal estado de conservación

 

Todos estes adaptadas aos criterios da Guía de cor e materiais de Galicia.

 

O importe da subvención será do 70 % do orzamento do investimento subvencionable, co límite máximo de 3.000 €.

 

O prazo de presentación de solicitudes é ata o 20 de febreiro de 2022 ou ata que se esgote o orzamento

 

Os Blancos, a  20 de xaneiro de 2022

O ALCALDE

                             Jose Manuel Castro Blanco