📸 EXPOSICIÓN FOTOGRÁFICA «EXPRESS-ARTE» NO CONCELLO DE OUROL

O Concello de Ourol informa dos horarios de visita da exposición fotográfica «Express-Arte, unha perspectiva de diferentes realidades dende a arte», unha iniciativa que nos convida a reflexionar sobre distintas realidades a través da expresión artística e que contribúe á sensibilización e á loita contra a violencia de xénero.

📍 Lugar: Edificio Multiusos de Ourol.

🕒 HORARIOS DE VISITA

📅 Luns: de 11:00 a 12:30 h.
📅 Martes: de 10:00 a 11:30 h.
📅 Mércores: de 11:00 a 12:30 h.
📅 Xoves: de 11:00 a 12:30 h.
📅 Venres: de 10:00 a 11:30 h.

ℹ️ Queres visitar a exposición fóra destes horarios?

Se estás interesado/a en coñecer a Exposición e non podes acudir nos horarios establecidos, podes contactar co Departamento de Servizos Sociais do Concello de Ourol para consultar a posibilidade de concertar unha visita.

📞 982 559 109 / 677 489 457

Animámosvos a achegarvos a esta exposición, descubrir as realidades que nos transmite a través da arte e dedicar un tempo á reflexión sobre a igualdade, o respecto e a importancia dunha sociedade libre de violencia de xénero.

💜 Pola igualdade e por unha vida libre de violencia!