O Concello de Touro informa das axudas de carácter económico destinadas ao gasto de material e equipamento para o curso académico 2026-2027 dirixidas ás familias vulnerables. As axudas poden cubrir gastos como material escolar, mochilas, libros de lectura, calculadoras, roupa de abrigo e calzado, entre outros.

Concederase por orde de puntuación e ata o esgotamento da partida orzamentaria prevista:

• 30 axudas de ata 120 € para alumnado de Educación Infantil e ensino obrigatorio.
• 20 axudas de ata 300 € para alumnado de ensino non obrigatorio.

O prazo para a presentación de solicitudes será de 20 días naturais contados a partir do día seguinte da publicación destas bases no Boletín Oficial da Provincia (BOP), anuncio que se publicou hoxe, 3 de setembro



A solicitude, acompañada da documentación complementaria especificada, presentarase a través da sede electrónica ou no rexistro de entrada do Concello de Touro. Toda a información no anuncio do BOP: https://bop.dacoruna.gal/bopportal/publicado/2026/09/03/2026_0000005685.html