A Xunta ultima o lanzamento do Bono Peixe que estará dispoñible a partir do vindeiro 28 de xullo para a súa descarga.


O Consello da Xunta aprobou a orde para a posta en marcha do "Bono Peixe" para mercar peixe e marisco frescos nos establecementos da comunidade adheridos. 

A posta en marcha desta medida permitirá a distribución de bonos por valor de 50 euros que se irán liberando progresivamente a razón de 5 euros por semana -con descontos do 25% da compra ata un máximo de 5 euros-, acumulando o importe non gastado nas sucesivas semanas ata un máximo de 25 euros, que poderán gastarse ao longo dun total de 10 semanas ou ata que se esgote o crédito. 

A previsión é que a orde sexa publicada no DOG o vindeiro 10 de xullo, abríndose o día seguinte o prazo para solicitar a adhesión por parte dos establecementos, máis de 1.600 na Comunidade, ata que finalice o período de vixencia do bono. 
Os bonos poderanse descargar a partir do 28 de xullo desde a plataforma www.bonopeixe.gal ou na app móbil, dispoñible tanto para dispositivos con Android e iOS, deseñada especificamente para esta acción.