FESTA DO GALEGO, 17 MAIO DÍA DAS LETRAS GALEGAS

 FESTA DO GALEGO
17 DE MAIO LETRAS GALEGAS 
GRAN ROMERÍA DAS LETRAS

Adro da igrexa de Fruíme

A programación comezará ás 11:00 horas cunha exposición sobre a vida e obra de Zernadas de Castro, seguida ás 12:30 horas da tradicional ofrenda floral diante do busto do Cura de Fruíme e dun concerto da Banda de Música de Lousame. Ás 13:30 horas terá lugar unha homenaxe ás cantareiras locais, coa actuación das Pandereteiras da Uned Senior e da Asociación Cultural O Son do Pote.
Pola tarde, a partir das 16:00 horas, o adro da igrexa acollerá diversos obradoiros culturais para nenos e maiores. Ás 18:00 horas, a contacontos Raquel Queizás ofrecerá unha sesión especialmente dedicada aos máis pequenos. O broche final será ás 19:00 horas co espectáculo musical de Xoán Curiel, titulado “Treides Comigo – Alén”, unha proposta que mestura tradición e modernidade.