Praza de médico en Riotorto

📢 O Concello informa á veciñanza:

O Servizo Galego de Saúde (Sergas) comunicou que, dentro da Oferta Pública de Emprego (OPE) 2025 para a categoría de médicos/as de familia, a praza correspondente ao centro de saúde de Riotorto foi cuberta.

A profesional adxudicataria tomará posesión nos vindeiros días e incorporarase de maneira efectiva ao centro de saúde do municipio. A súa chegada permitirá reforzar a atención primaria na zona, mellorar a continuidade asistencial e dar resposta ás necesidades da poboación local.

Dende o Concello e desde a área sanitaria valórase positivamente esta incorporación, tratándose dunha demanda reiterada da veciñanza.

Datos clave:

• OPE: 2025
• Categoría: médicos/as de familia
• Centro: centro de saúde de Riotorto
• Situación: praza cuberta; a profesional adxudicataria tomará posesión nos vindeiros días
• Efecto: reforzo da atención primaria e mellora da continuidade asistencial