CONVOCATORIA DO PROGRAMA BENESTAR EN BALNEARIOS

A Xunta publica a nova convocatoria do Programa Benestar en Balnearios na que ofrece estadías en establecementos da nosa comunidade para maiores de 60 anos ou pensionistas de máis de 55.
As persoas interesadas poden presentar as súas solicitudes dende o 27 de maio e ata o 26 de xuño de 2026
As quendas teñen una duración de 10 días e nove noites cada unha, realizaranse en réxime de pensión completa e comprenderán desde as 12:00 h. do día de chegada ata as 12:00 h. do día de saída.
O desenvolvemento destas quendas terá lugar durante o período comprendido entre o 15 de xullo e o 31 de decembro do ano 2026.
O prezo a pagar por cada persoa beneficiaria, por estadía na praza do establecemento balneario e quenda adxudicada será entre 285€ e 397€ dependendo do establecemento elixido.

Para máis información ou solicitudes poden dirixirse ó departamento de servizos sociais do Concello de Ourol (982559109/677489457)