DOAZÓN DE SANGUE

O vindeiro martes 23 de xuño, unha unidade móbil da Axencia de Doazón de Órganos e Sangue estará no Concello de Brión diante do CEIP de Pedrouzos. De 15:30 a 21:00 horas.

O verán é a época do ano de maior dificultade para acadar as doazóns de sangue que precisan os hospitais galegos para atender a milleiros de doentes. Coa suma de esforzos de todos será posible acadar as máis de 20.0000 doazóns de sangue que precisan os hospitais galegos durante este verán, para atender a preto de 6.500 doentes que requiren tratamento con compoñentes do sangue para recuperar a saúde.

Recorda que para doar sangue hai que almorzar e despois de xantar esperar 2 horas. Non esquezas traer a tarxeta de doazón, DNI ou documento similar e informar ao médico se estas a tomar algún medicamento. Non fagas unha comida copiosa antes de doar.

Se tes máis de 18 anos e pesas máis de 50 kg só precisas 10 minutos da túa vida para salvar a doutros.

Dúbidas 900 100 828

Mais info: https://i.gal/E1hEO