Us establecimientus de Valverdi (baris, restaurantis, tendas, etc.) que queran participal voluntariamenti en a 2ª Recullia de Palabras du Nosu Lugal, se poñan en contactu telefónicamenti con u Ayutamentu (927 51 00 13) pa inscribilsi y que se les falla entrega de un cuadernu y otrus materiais que estarán a vista dus clientis pa recullel palabras que le parezan importantis, vellas, interesantis o curiosas. Igualementi, si algún viciñu quel ficel entrega de alguna lista de palabras y le quel dal publicidai, que se poña en contactu con Manuel Vicente Pascual, Concejal de Cultura. Con as palabras o expresions recullías se fairá u 2º glosario, de forma que compartinduas una vez publicás, as teñamus mais a man y en menti y podamus dali usu mais amenú. Con a ajuda de tos, podemus conserval y compartil a nosa lengua materna. Soidi.

Cultura 10-Septiembre-2018 11:11