Concursu de Cancións en Chapurrau Sigui abertu u plazu pa inscribilsi en un concursu de interpretación musical con letras en chapurrau que tendrá lugal u sábadu 20 de octubri as 22:00 en a Casa de Cultura de Valverdi du fresnu. Basis: 1. Poi participal cualquel tipu de grupu o formación musical con cualquel estilo. Solista, Pop, Rap, Líricu, Tracicional, Rock, etc. 2. A letra da canción debi estal en Cachipurreau. 3. U vernis 19 y sábadu 20 por a miñan será a preparación técnica. 4. Cada grupu solu poi presental un máximu de duas cancións. 5. Un componenti de un grupu por particpal en otru grupu, pero para sel diferentis grupus, u número de componentis compartius entre grupus ten que sel menor que us músicus diferentis. 6. Se pon au serviciu dus participantis us medius de soniu con us que conta u Ayuntamentu. 7. A Concejalía de Cultura se reserva u dereitu cancelal a participación dus grupus que con as suas letras atentin contra a Constitución Española o us dereitus humanus. 8. Mais info en artinulugal@gmail.com Inscripcións: Se entregará antis du 5 de octubri un documentu en a biblioteca, Ayuntamentu o por correu electrónicu: artinulugal@gmail.com con a siguiente información 1. Nomi du grupu 2. Nomis dus integrantis du grupu 3. Estilu músical 4. Letra en chapurrau 5. Necesidades técnicas (micros, sillas, ...) Premius: A miyol composición musical, un bonu de 250€ A miyol letra, un bonu de 250€ Jurau: Será un jurau popular formau por u públicu asistenti au concursu Desde a Concejalía de Cultura, sorti a tos us participantis. COMPARTI CON TEIS AMIGUS MÚSICUS

Cultura 15-Septiembre-2018 14:00