Se acercan as festas de Navidai y u fin de anu. Aproveitemus pa felicital a nosas familias, compañerus, amigus... en Valverdeiru. Envia a tua felicitación digital au correu: participacion@valverdedelfresno.es Condicións du concursu: - Envía nu correu, a felicitación como un anexo en jpg, junto con u nomi, datus y teléfonu de contactu - U plazu termina u 18 de diciembri du 2018 - Un vali de 50 € pu gañadol pa gastal en u lugal. U premiu se fairá públicu u día de Reyis - Nun entran en concursu as tarjetas sin textu en a fala du lugal. - Máximu de 5 felicitacións por persoa - É un concursu digital: retoqui de fotus, maneju de textu, aplicación de filtrus, dibuju digital, etc... - A finalidai e difundil as felicitacións nas diferentis redis sociais: Facebook, Whatsap, Twiter, - Us participantis están de acordu con as presentis basis Ás 24 horas de envial una felicitación, cualquer pesoa podrá vela nu Facebook du "Ayuntamiento Valverde del Fresno" De esta forma, qualquer pesoa poi compartil, descargal y reenvial as felicitacións que mais les gusti. Soidi y sorti. Felicis Festas.

Archivos adjuntos:

• 231117120755_Tarjetas_Digitais.jpeg

Cultura 04-Diciembre-2018 14:22