Como conmemoración dus 18 anus da creación du Ben de Interés Cultural a Fala, u 21 de marzo de 2001 entra en vigor, se realizará un Segundu Concursu de Cancions. Retomandu u ditu a finais de octubri de 2018, se abri u plazu pa inscribilsi en un concursu de interpretación musical con letras en Valverdeiru que tendrá lugal u Sábadu 23 de marzu as 21:30 en a Casa de Cultura de Valverdi du fresnu. BASIS 1. Poi participal cualquel tipu de grupu o formación musical con cualquel estilo. Solista, Pop, Rap, Líricu, Tradicional, Rock, etc. que interpreten unha letra en valverdeiru. 2. Cada grupu solu poi presental un máximu de Tres cancións. 3. Un o mais componentis de un grupu por participal en otru grupu, sempris y cuandu u número de componentis compartius sea menor que us músicus diferentis du otru grupu. 4. Se pon au serviciu dus participantis us medius de soniu con us que conta u Ayuntamentu con el que se deberá contactal con u técnicu de soniu en cuantu se falla a inscripción. 5. U vernis 19 y sábadu 20 por a miñan será a preparación técnica. 6. A Concejalía de Cultura se reserva u dereitu cancelal a participación dus grupus que con as suas letras atentin contra a Constitución Española. 7. Al menusunhadas letras de ca participanti tendrá que traballal directamenti algún dus dereitus humanus. 8. Mais info en artinulugal@gmail.com 9. U concursu nun se realizará si se presentan tres o menos de tres grupus. INSCRIPCIONS Se entregará antis du 18 de marzu un documentu en a Biblioteca, Ayuntamentu o por correu electrónicu: artinulugal@gmail.com con a siguiente información. 1. Nomi du grupu y dus integrantis du grupu con us seis instrumentus. 2. Estilu músical. 3. Letras das cancions. 4. Necesidades técnicas (micros, sillas, ...) 5. Us días dus ensayus y pa proyectal en u conciertu se levará unha memoria estraibli con unha presentación que conteña a siguiente información: Nomi du grupu, componentis e instrumentus y as letras a interpretal nu orden cu grupu quera. Pu día du conciertu, ca grupu buscará y tendrá unha pesoa encargá de pasal as diapositivas de ca canción según se van cantando. PREMIUS A miyol composición musical, un bonu de 250€ A miyol letra que traballi us dereitus humanus, un bonu de 250€ JURAU Será un jurau formau por traballadoris/as da Mancomunidai. Desde a Concejalía de Cultura de Valverdi du Fresnu, sorti a tos us participantis 30 de enero de 2019, día mundial da Paz.

Archivos adjuntos:

• 310119042551_Cartel_Concurso_Cancions_2019.pdf

Cultura 18-Febrero-2019 10:02