A idea de celebral u Día Internacional da Lengua Materna foi aprobá na Conferencia General da UNESCO nu 1999. Desde u 2000 esti día ya se ven celebrandu en mutas comunidais. A UNESCO cré na importancia da diversidai cultural y lingüística, traballandu pa preserval as culturas que fomentan a tolerancia y u respetu. A diversidai lingüística nu mundu s'encontra ca vé mais amenazá. Hay lenguas que están desaparecendu poicu a poicu. Gracias a comprensión da importancia que ten a lengua materna, se están alcanzandu logrus en materia de educación, política y sociedai. Una sociedai multilingüe y multicultural ajuda a aprendel a compartil. Algu necesariu na Vida. Colabora con a tua parti por a Fala du Nosu Lugal, na medía das tuas posibilidais, con us teis medius, con us teis cuñocimentus, transmitindua a teis fillus y fillas, nu tei traballu, na tua asociación, creandu curiosidai insinandu aus teis amigus de fora alguna palabra du nosu lugal, uivindu atentamenti aus nosus vellus, e dicel con u que ca un poda ... Soidi y felíz día da Lengua Materna, 21 de Febreiru. Concejalía de Cultura.

Archivos adjuntos:

• 210219051602_Bando_dia_lengua_materna_Imagen.pdf

Cultura 21-Febrero-2019 10:23