En condicions normáis amiñan estaríamus celebrandu a romería en honor a San Isidru na ermita que temus nu campu i na zona campista dus alrededoris. Sería un día familiar de gozu i celebración que disfrutamus tos us anus con toas nosas pesoas cercanas, un día que apreciamus i esperamus duranti to u anu. Esti anu nun ha podíu sel, tiñamus mutas actividáis preparás pa to u fin de semana, pero volveremus mais fortis que nunca nu próximu anu, i u celebraremus con as ilusións recargás. Aproveitamus, pa dicer, que oixi día 16 de mayu, as 11:30 da miñan, as autoridais sanitairas nus confirman que Valverdi du Fresnu sigui libri de COVID-19. Viva San Isidru labradol. Viva Valverdi du Fresnu.

Info General 16-Mayo-2020 11:36