Xa podedes coñecer o programa das actividades programadas para o vindeiro mes de agosto. Os interesados deberedes rexistrarros na OMIX (telf. 986 76 82 38 ext. 4) Xoves 1 de agosto de 10:30h a 13:30h–Actividade de Primeiros auxilios no medio a cargo dun Técnico en emerxencias sanitarias do 061. A actividade complementarase coa participación de xogos rurais tradicionais ao aire libre e a visita ao mercado de libros e curiosidades de Gaxate. Xoves 8 de agosto de 10:00h a 13:30h Orientaventura: actividade que engloba todo o aprendido ao longo da iniciativa, mediante xogos de orientación e probas diversas de lóxica, matemáticas, habilidade e equilibrio, os participantes deberán cooperar en grupo para superar as probas. A orientación farase en torno a un mapa para localizar lugares onde se atopan as probas e realizalas no menor tempo posible. Luns 26 de agosto de 10:00h a 14:00h Visita - Encontro na Illa de San Simón. Iniciación ao kayak, facendo fincapé nos métodos de seguridade e formas de paleo. Navegaremos polas augas da ensenada de San Simón ata a Illa do mesmo nome. Baixaremos na illa para coñecer seus valores a nivel flora, fauna así como a historia do lazareto. Observación do ecoturismo que de pode facer en base a actividades variadas. Disfrutar do día cos compañeiros cos que levan compartido as actividades da Iniciativa Local A Lama paso a paso. Anímate e participa con nós.

Archivos adjuntos:

• 240719134345_agosto_actividades_a_lama_paso_a_paso.pdf

Cultura y ocio 24-Julio-2019 13:47