Estamos preparando unha tarde verdadeiramente máxica para o día 22 de decembro. Con moitas sorpresas, agasallos e festa, moita festa. E por suposto Papá Noel que recollerá as cartas dos nenos e nenas que se acheguen polo multiusos de Ourol.
Apúntate na páxina web www.concellodeourol.es no apartado de biblioteca ou na páxina de Facebook do concello no enlace habilitado.
https://forms.gle/MqurTmDKShkf1B9w6
Máis información no teléfono 982 55 90 19 ou no 608694051.
Día: 22 de decembro
Lugar: Edificio Multiusos de Ourol
Destinatarios: nenos/as a partir de 3 anos e familias
Inscrición ata o 19 de decembro na páxina web do concello ou na páxina de Facebook do concello .

O Concello de Ourol organiza un ano máis O CAMPAMENTO DE NADAL dirixido a nenos e nenas de 4 a 12 anos empadroad@s no concello. Esta actividade levarase a cabo dende o día 22 de decembro ata o 2 de xaneiro  (8 días) en horario de 10:30 a 13:30 no Pavillón Polideportivo. Contarase con servizo de conciliación dende as 8:30 e ata as 14:00 h. para aquelas familias que xustifiquen a necesidade de facer uso deste servizo.
O prazo de inscrición permanecerá aberto entre os días 10  e 17 de decembro.
Os documentos para a realización da inscrición estarán disponibles no Taboleiro de Anuncios da Sede Electrónica do Concello.
Para máis información poden dirixirse ó Departamento de Servizos Sociais do Concello de Ourol (982 559109/677489457)

Xa están a disposición de todas as persoas interesadas os calendarios do Concello de Ourol para o ano 2026.
Poden pasar a recollelos nas Oficinas do Concello ou na Casa de Cultura.

A Deputación de Lugo, abre o prazo para participar no Programa Lugo Termal
Ofértanse máis de 2.000 prazas en 4 balnearios da provincia de Lugo. (Guitiriz, Termas Lugo, Augas Santas en Pantón, Río Pambre en Palas de Rei)
Estancias de 6 días/5 noites
Prezo: 275 Euros
Requisitos: 
- Persoas empadroadas na Provincia de Lugo maiores de 50 anos (as persoas acompañantes non se lles requiren estas condicións)
Para máis información: 
Departamento de servizos sociais
982559109/677489457

O Concello de Ourol súmase este 1 de decembro á Campaña de ONUSIDA na conmemoración do Día Mundial da Sida, unha data na que o mundo enteiro se une para apoiar ás persoas que viven co VIH e lembrar a quen faleceu por causas relacionadas coa sida.

Baixo o lema “Superar as disrupcións, transformar a resposta ao sida”, este ano poñemos o foco nos desafíos actuais e na necesidade dunha resposta sólida, informada e libre de prexuízos.

O lazo vermello, símbolo universal de solidariedade, lembra hoxe máis ca nunca que o VIH non desapareceu e que é imprescindible reforzar a prevención, a información e o apoio ás persoas afectadas, avanzando cara a unha sociedade sen estigma nin discriminación.

Desde o Concello de Ourol reiteramos o noso compromiso coa sensibilización e coa defensa dos dereitos e do benestar das persoas que viven co VIH.
Como en anos anteriores, o concello de Ourol participa nesta campaña a través da distribución de materiais divulgativos que se depositarán en dúas mesas informativas que se instalarán na Casa do Concello e na Casa da Cultura. 

Xa está aberta ao tráfico a estrada que vai de O Sixto a Ambosores que onte permaneceu cortada  por causa dun derrubamento á altura de Santar.

A estrada que vai de O Sixto a Ambosores permanece cortada ao tráfico por causa dun derrubamento á altura de Santar.
Ao longo do día de hoxe está previsto que volva a estar aberta a circulación de vehículos.

A productora Vaca Films busca mozos/as de 18 a 25 anos de Viveiro e Ourol para un casting para a nova serie que se está rodando en Ourol.

A rodaxe está prevista que se realice o sábado dia 29 de novembro en horario de 18:00 h. a 04:00 h. e o domingo día 30 de novembro en horario de 17:30 h. a 03:30 h.

Para presentarse ao casting os mozos/as interesados deben enviar ao mail: castingsgalicia@gmail.com os seguintes datos:
nome completo, idade, teléfono de contacto, concello de residencia, altura, talla de camiseta, pantalón e zapatos e fotos recentes

O Concello de Ourol informa que no marco da Estratexia Galega de Atención á Soidade Non Desexada, existen unha serie de medidas e recursos para que toda persoa que viva ou se sinta soa se saiba arroupada, viva onde viva, e sexan cales sexan as súas circunstancias persoais, sociais ou económicas. Un destos recursos é a Central de Atención á Soidade non Desexada, habilitada pola Xunta da man de Cruz Vermella, que funciona initerrompidamente para escoitar, acompañar e axudar a quen o precise. Trátase dun teléfono GRATUITO e CONFIDENCIAL no que sempre se atopa resposta e entendemento. Se o precisas chama ó 900 830 831. 

O Concello de Ourol organiza o espectáculo musical “Patios de Luz” da cantautora galega Su Garrido Pombo con motivo do Día Internacional da Eliminación da Violencia contra a Muller. Esta actuación terá lugar o domingo 23 de novembro no Centro Social de Merille ás 17:00h.

A través da música e da palabra, “Patios de Luz” convida a poñer luz nas historias invisibles de tantas mulleres que sofren violencia ou desigualdade no silencio. O título é unha metáfora deses espazos ocultos que, malia permanecer agochados, deixan entrar a claridade e fan posible a vida. A cultura, neste caso, convértese nun espazo de encontro, reflexión e esperanza, porque só cando abrimos os nosos patios de luz pode entrar a igualdade.

Con esta actividade, o Concello reafirma o seu compromiso coa erradicación da violencia machista e coa sensibilización social pola igualdade. Durante o evento realizarase unha campaña de divulgación de información coa entrega de trípticos e guías con recursos e servizos de apoio contra a violencia de xénero.

Ourol conmemora o Día Internacional da Eliminación da Violencia contra a Muller
O Concello de Ourol súmase un ano máis á conmemoración do 25 de novembro, Día Internacional da Eliminación da Violencia contra a Muller, cunha programación que combina a expresión musical e a participación cidadá como vías de sensibilización e compromiso social, baixo o lema “Ourol dí NON á violencia contra a muller”.

Os actos arrancarán o domingo 23 de novembro, ás 17:00 horas, no Centro Social de Merille, cun espectáculo musical da cantautora galega Su Garrido Pombo, titulado “Patios de luz”, unha proposta que convida á reflexión a través da música e da palabra.

O martes 25 de novembro, ás 12:30 horas, celebrarase a VII Andaina da Eliminación da Violencia contra a Muller, cun percorrido simbólico polo Paseo da Rega de Ourol, no que se realizará a lectura institucional dun manifesto de rexeitamento á violencia machista. A actividade está aberta a toda a cidadanía e non require inscrición previa.

Durante ambos eventos distribuiranse trípticos e guías de recursos de apoio e prevención contra a violencia de xénero, elaborados polo propio Concello, Xunta de Galicia e a Asociación de Mujeres en Igualdad Provincial de Lugo (Bumei).

Con esta programación, o Concello de Ourol reafirma o seu compromiso coas políticas de igualdade e coa construción dunha comunidade libre de violencias.

Estas actividades están financiadas con fondos do Pacto de Estado Contra a Violencia de Xénero.

Máis información no Departamento de Servizos Sociais do Concello de Ourol. Teléfonos 982 559 109 / 677 489 457.

O vindeiro día 18 de novembro ás 18:00 h no Centro Social de Merille teremos a representación da obra Cores do Camiño da compañía de teatro Satori. Será para nenos/as a partir de 4 anos e familias.
NO CENTRO SOCIAL DE MERILLE (houbo un erro na publicación anterior).
Anímate a vir, seguro que pasamos un momento moi divertido e agradable.
Inscricións ata o 14 de novembro na páxina www.concellodeourol.es no apartado de novas ou no de biblioteca, no formulario habilitado.
https://forms.gle/vDqGVFLAxdCFZh9H6

A Consellería de Política Social e Igualdade, a través da Dirección Xeral de maiores e Atención Sociosanitaria, organiza o "PROGRAMA XUNTOS POLO NADAL" destinado a persoas maiores que se atopen soas nesas datas, sexa por carencia de familiares ou amigos, perda do seu cónxuxe ou outras circunstancias. 

O Concello de Ourol únese á campaña de sensibilización promovida pola Asociación Cuiden -maiores e coidadores-  con motivo do Día das Persoas Coidadoras, unha data para recoñecer e poñer en valor o esforzo, a dedicación e o agarimo de todas aquelas persoas que coidan dos seus familiares dependentes.

Dende o Concello queremos expresar o nóso apoio e agradecemento a quen, de xeito profesional ou familiar, realiza unha labor imprescindible para o benestar da nosa comunidade. Lembremos que coidar non é un feito privado nin doméstico, senón un acto social e colectivo.

¡¡Grazas por coidar, grazas por estar!!

Concello de Ourol

Dende o Concello de Ourol estase a organizar un Encontro de Maiores para persoas de máis de 55 anos empadroadas no Concello de Ourol. Terá lugar o domingo 30 de novembro no Restaurante Louzao (Viveiro) ás 14:00 horas. Este encontro consistirá nunha COMIDA amenizada con música en directo e sorteo sorpresa.
Poderán acudir as/os cónxuxes que non estén empadroadas/os aboando o importe da entrada. Tamén poderán acudir as/os cónxuxes empadroadas/os que non reunan o requisito de idade aboando o prezo da entrada. 
As persoas dependentes poderán acudir cun acompañante.

Todas as persoas asistentes deberán recoller a súa entrada nas dependencias municipais. 
Prezo: Gratuito (persoas empadroadas)
Data límite para anotarse: 27 de novembro de 2025
Lugar para a recollida de entradas: Departamento de Servizos Sociais do Concello de Ourol (982559109/677489457)

Xa está aberta a preinscrición para a acción formativa "FINANZAS ONLINE; BIZUM, BANCA ELECTRÓNICA" dentro do programa "PARA DIXITALIZARSE LUGO"

Preinscríbete aquí: https://yparadigitalizarselugo.com/, 

Pica en selecciona o teu concello, e escolle a acción formativa na que queres participar .CERRE INSCRICIÓN 24 NOVEMBRO DE 2025

OUROL
D00-019 Finanzas online; Bizum, banca electrónica
Concello de Ourol, Edificio Multiusos, C/ Mesón s/nº, 27865 Ourol

10, 11, 17, 18 DIC 2025 // 7, 8, 14, 15, 21, 22 ENE 2026. De 10:30h a 12:30h

Xunta o teu DNI escaneado, e a tarxeta de demandante de emprego, se é o caso.

Podes anotarte tamén acudindo ó Departamento de Servizos Sociais do Concello de Ourol(982559109/677489457)

🧖‍♀️ Programa de Termalismo Social do IMSERSO 2026 🎯 Obxectivo
O programa ofrece estadías en balnearios con tratamentos termais para mellorar a saúde e o benestar das persoas maiores, favorecendo o envellecemento activo e saudable.
🏨 Que inclúe
Aloxamento en habitación dobre con pensión completa.

Recoñecemento médico, tratamento termal e seguimento.

Actividades de ocio e tempo libre.

Seguro colectivo durante a estancia.
👵 A quen vai dirixido
Poden participar persoas residentes en España que sexan:

Pensionistas por xubilación ou incapacidade permanente.

Pensionistas de viuvez con 55 anos ou máis.

Pensionistas por outros conceptos ou perceptores de prestacións de desemprego con 60 anos ou máis.

Persoas aseguradas ou beneficiarias do sistema da Seguridade Social con 65 anos ou máis.

Poderán ir acompañadas do cónxuxe, parella de feito ou fillos con discapacidade igual ou superior ao 45 %.
📅 Prazos de solicitude
Prazo xeral: do 4 de novembro de 2025 ao 31 de outubro de 2026.

Para os turnos de febreiro a agosto: ata o 4 de decembro de 2025.

Para os turnos de setembro a decembro: ata o 15 de maio de 2026.
🔗 Máis información
👉 sede.imserso.gob.es

📍 Tamén poden acudir para facer a súa solicitude ou recibir máis información ao Departamento de Servizos Sociais do Concello de Ourol, ou ben chamar aos teléfonos:
📞 982 559 109 / 677 489 457

A Consellería de Emprego, Comercio e Emigración vai abrir o día 5 de novembro ás 9:00 horas o prazo para a solicitude da segunda edición dos Bonos Activa Comercio do Programa de dinamización e incentivación do consumo nos comercios retallistas

OBXECTO:

Incentivar a demanda comercial axudando económicamente as persoas consumidoras a fomentar o cunsumo nos establecementos comerciais retallistas adheridos á campaña.

CONDICIÓNS DE USO DOS BONOS:

Para a solicitude e obtención dos bonos, cada usuario deberá darse de alta previamente na web https://bonosactivacomercio.gal e indicar a seguinte información: Nome e apelidos, Localidade de residencia, Maioría de idade, DNI, Tfno móvil, Correo electrónico.

Cada persoa beneficiaria disporá dun único bono que poderá ser usado nun ou en varios comercios retallistas adheridos ao programa.

Cada bono terá un valor de 30 €. En función do importe das compras, poderán obter os seguintes descontos:

-          Desconto de 5 € en compras iguais ou superiores a 20 € e inferiores a 30 €.

-         Desconto de 10 € en compras iguais ou superiores a 30 € e inferiores a 50 €.

-          Desconto de 15 € en compras iguais ou superiores a 50 € (IVE incluído).


DATA DE ACTIVACIÓN DOS BONOS:

Os bonos estarán disponibles na web www.bonosactivacomercio.gal para a súa descarga polas persoas usuarias desde o 5 de novembro de 2025, ás 9:00 horas, ata que o importe total dos descontos efectivamente realizados en compravendas alcance os 2.500.000 €.

INFORMA: 

Orde do 9 de outubro de 2025 da Consellería de Emprego, Comercio e Emigración (DOG nº 213 de data de 04/11/2025)

Concello de Ourol a través do Axente de Emprego en horario de 9:00 a 14:00 horas ou no teléfono 982-559109

O concello de Ourol informa que dende a entidade Cáritas Diocesana de Mondoñedo-Ferrrol están a buscar un grupo de PERSOAS VOLUNTARIAS para poder desenvolver no nóso concello o PROGRAMA CON-VIVINDO CONTORNO MAIOR. Este programa ten como obxectivo mellorar a calidade de vida das persoas maiores a través da creación de espazos de encontro grupais coordinados por voluntariado. Estos encontros realizaríanse en diferentes parroquias cunha periodicidade semanal ou quincenal en función da disponibilidade das persoas voluntarias. Para máis información sobre o programa e anotarse como persoa voluntaria poden chamar ó teléfono 687490006.

A Consellería de Cultura, Lingua e Xuventude acaba de abrir a convocatoria da proba en liña para a obtención do Certificado de lingua galega 4 (Celga 4) no ano 2025.

PERSOAS DESTINATARIAS:

Persoas maiores de 16 anos ou que os fagan no ano natural de convocatoria, nacionais ou estranxeiras.

O número de prazas dispoñibles para realizar a proba en liña do Celga 4 será de 100.

DATA DE REALIZACIÓN DA PROBA:

A proba terá lugar no cuarto trimestre de 2025, sempre que ningunha circunstancia excepcional o impida. A data concreta será debidamente publicada no Diario Oficial de Galicia, así como na páxina web da Secretaría Xeral da Lingua (http://www.lingua.gal). En todo caso, non coincidirá coas datas das probas Celga presenciais convocadas mediante a Resolución do 1 de setembro de 2025 (DOG 176, do 12 de setembro)

            Para realizar a proba, as persoas solicitantes deberán dispor dun equipamento informático composto por un ordenador con certos requisitos técnicos e un teléfono móvil que complementará o ordenador durante a proba.

PRAZO DE PRESENTACIÓN DE SOLICITUDES: Ata o 30 de outubro de 2025. As persoas que desexen inscribirse nesta proba Celga 4 deberán cubrir o formulario de solicitude, segundo o modelo PL500G, que se publica como anexo I, e aboar a taxa correspondente (16,92 €), esta aboarase unha vez sexa publicada a listaxe de persoas seleccionadas no prazo de 5 días hábiles contados dende a publicación desta lista.

Ademáis da presentación desta solicitude a través da sede electrónica, as persoas que desexen participar nesta convocatoria tamén deberán presentar unha solicitude, de inscrición na proba a través da plataforma de teleformación da Secretaría Xeral da Lingua (https://formacion-lingua.xunta.gal)

INFORMACIÓN:

-          Resolución do 8 de outubro de 2025 da Secretaría Xeral da Lingua (DOG nº 200 de 16 de outubro de 2025).

O MINISTERIO DE SANIDADE CONVOCA AXUDAS DIRECTAS PARA SUFRAGAR A ADQUISICIÓN DE SISTEMAS DE AXUDA VISUAL, ESPECÍFICAMENTE LENTES (MONTURAS), LENTES GRADUADAS E LENTES DE CONTACTO, E A SOLUCIÓN LÍQUIDA PARA LENTES DE CONTACTO NECESARIA PARA O SEU MANTEMENTO, EN POBOACIÓN MENOR DE IDADE E ATA OS 16 ANOS INCLUÍDOS.
AS AXUDAS TRAMITARANSE DIRECTAMENTE NAS ENTIDADES ADHERIDAS (ENTIDADES ADICADAS Á VENDA E/OU DISPENSACIÓN DOS PRODUCTOS DESCRITOS, A TRAVÉS DUN FORMULARIO E ACOMPAÑANDO A SEGUINTE DOCUMENTACIÓN: 
- DNI OU OUTRO DOCUMENTO ACREDITARIVO DO BENEFICIARIO
- DOCUMENTO ACREDITATIVO DE DEREITO DA PERSOA BENEFICIARIA Á ASISTENCIA SANITARIA CON CARGO A FONDOS PÚBLICOS POR PARTE DO SISTEMA NACIOAL DE SAÚDE
- DOCUMENTO ACREDITATIVO DA PATRIA POTESTADE OU TUTELA SOBRE A PERSOA BENEFICIARIA
PRAZO: ATA O 31 DE DECEMBRO DE 2026, OU NO SEU CASO, ATA O ESGOTAMENTO DO CRÉDITO ORZAMENTARIO

OBXECTO:

Apoiar proxectos promovidos polos particulares e as súas agrupacions e asociacións con fins de aforro enerxético e fomento do uso das enerxías renovables. Os proxectos limitaranse a instalacións para a xeración de electricidade mediante paneis solares fotovoltaicos para subministración en vivendas ou inmobles de carácter residencial.

PERSOAS BENEFICIARIAS:

-          Persoas físicas titulares de calquera dereito sobre un inmoble de carácter residencial.

-          Sociedades patrimoniais de tenza de valores inmobiliarios ou de arrendamento de inmobles.

-          Comunidades ou mancomunidades de veciños.

ACTUACIÓNS SUBVENCIONABLES: Son actuacións subvencionables:

-          Os paneis solares fotovoltaicos.

-          O acondicionamento da enerxía eléctrica (inversores, convertedores, reguladores, cadro eléctricos, elementos de interconexión, protección, cables, equipamentos de medidas, etc), monitorización (sensores, adquisición de datos, comunicación remota, etc) e sistemas de acumulación con baterías de litio.

-          O resto de accesorios da instalación para o correcto funcionamento do sistema.

-          O custo de montaxe e conexionado e a dirección de obra.

-          IVE, cando non sexa recuperable.

CONTÍA DA AXUDA:

A contía da axuda será do 50 % da inversión elixible da instalación.

A axuda máxima por vivienda:

Paneis solares: 4.000 €

Baterías: 2.000 € adicionais

En proxectos de multivenda a axuda máxima será de 25.000 €

As entidades colaboradoras adheridas serán as encargadas de tramitar o procedemento (presentar a solicitude e presentar a documentación xustificativa da actuación) só se permite a tramitación electrónica.

PRAZO PRESENTACIÓN SOLICITUDES: Do 31 de outubro de 2025 as 09:00 horas ata o 1 de decembro de 2025

INFORMACION: Resolución do 30 de setembro de 2025 da Axencia Instituto Enerxético de Galicia. (DOG nº 198 de data de 14/10/2025).  Concello de Ourol a través do Axente de Emprego en horario de 9:00 a 14:00 horas ou no teléfono 982-559109

PERSOAS DESTINATARIAS: Persoas NON NADAS en Galicia 
LUGAR: Cruz Roja Viveiro
MODALIDADE: presencial
Nº DE HORAS: 20 HORAS
HORARIO: DE 15:00 A 20:00 H. 
Este curso, organizado por CRUZ ROJA ESPAÑOLA, está destinado a calquera persoa non nada en Galicia, sin necesidade de ter regularizada a súa situación, pódese realizar soamente co pasaporte e serve tamén como xustificante de arraigo social. 

O Concello de Ourol comunica que o Programa Educando en Familia dará comezo o día 22 de outubro ás 16:30 nas instalacións do colexio. Esta actividade está dirixida ás familias de nenas e nenos de 0 a 6 anos e configúrase como un espazo de encontro e aprendizaxe. O obxectivo do programa é ofrecer ferramentas e apoio ás familias no proceso educativo dos máis pequenos a través de encontros partcipativos e prácticos. As reunións serán de carácter mensual. Para calquer dúbida ou información adicional pódese contactar coa responsable do programa Educando en Familia no teléfono 696315098.

O Concello de Ourol informa que dende a entidade Cruz Roja Española vaise a realizar un curso de MANIPULADOR DE ALIMENTOS (5Horas) dirixido a persoas desempregadas da Mariña Lucense. O prazo de inscrición remata o día 21 de outubro. Para máis información deben chamar ó teléfono 982581452 en horario de 9:30 a 14:30.