Obradoiro: "Cantares de vida", impartido por Ugía Pedreira. IV XORNADAS ETNOGRÁFICAS DA MARIÑA EN OUROL

Descrición:

Un percorrido polo ciclo do ano do cantar popular galego, polos xéneros e polas súas funcións sociais. Veranse as cancións como dispositivos vivos de comunicación e cohesión grupal. Abordarase o canto desde a xestión emocional: cando, para que e por que se cantou e se segue cantando en Galicia.

Tratarase a socioloxía musical: o canto como rede de apoio, de resistencia, cultura, identidade e tecido social. Tamén se fará unha antropoloxía viva, mapeando relacións, funcións e usos das cancións galegas, con especial atención á Mariña de Lugo.

Haberá unha parte práctica e colectiva: cantaremos e reelaboraremos pezas tradicionais utilizando a maxia da improvisación e a memoria para actualizalas con valores contemporáneos.

ℹ️ Datos clave:
Día: 26 de setembro Hora: 16:00 h Lugar: Edificio multiusos de Ourol Destinatarios: todas as persoas interesadas Acceso: aberto ao público en xeral e de balde Responsable/ponente: Ugía Pedreira

📢 Obradoiro "O pasado cos ollos do presente" — IV Xornadas Etnográficas da Mariña en Ourol.

Achegamento á tradición oral galega desde unha mirada viva e actual. Partirase de materiais procedentes de recollidas de campo, arquivos, audios e vídeos para coñecer o contexto no que se crearon e se transmitiron estas expresións: a Galicia rural, os espazos de socialización e o papel da música, do baile e do canto na vida cotiá.

A través do baile, da pandeireta e do canto explorarase como interpretar e levar este material á actualidade. Reflexionarase sobre a transmisión, a creación, a escena e o diálogo entre tradición e presente. Porque a tradición non é algo estático: é un material vivo, en constante transformación.
Asistencia  de balde. Non é necesaria inscrición

Datos clave
Día: 26 de setembro Horario: 12:00 h Lugar: Edificio Multiusos de OurolDestinatarios: público en xeral

📢 Lembramos os horarios das actividades e actuacións das IV Xornadas Etnográficas da Mariña 2026.

Terán lugar o sábado, 26 de setembro de 2026, e o domingo, 27 de setembro de 2026, en Ourol.

Consulte o cartel adxunto para ver o programa completo e os horarios das distintas actividades.

Datos clave
Evento: IV Xornadas Etnográficas da Mariña 2026 Fechas: sábado, 26 de setembro de 2026; domingo, 27 de setembro de 2026 Local:  Edificio Multiusos de Ourol e carpa situada na praza  do Concello  Programa e horarios: ver cartel adxunto

A Consellería de Cultura, Lingua e Xuventude vai abrir a segunda convocatoria das probas para a obtención dos certificados de lingua galega, niveis Celga 2, 3 e 4 no ano 2026.

PERSOAS DESTINATARIAS:

Persoas maiores de 16 anos ou que os fagan no ano natural de convocatoria, nacionais ou estranxeiras.

DATAS DE REALIZACIÓN DAS PROBAS:

As probas realizaranse en Santiago de Compostela, Ponferrada e Madrid e terán lugar os días 14 e 15 de novembro (Celga 4), 21 de novembro (Celga 3) e 22 de novembro (Celga 2), sempre que ningunha circunstancia excepcional o impida

As sedes e horarios para a realización das probas publicaranse na páxina web da Secretaría Xeral de Política Lingüística (http://www.lingua.gal) xunto coas listaxes definitivas das persoas admitidas.

PRAZO DE PRESENTACIÓN DE SOLICITUDES: Ata o 7 de outubro de 2026.

As persoas que desexen inscribirse nas probas Celga deberán cubrir o formulario de solicitude, segundo o modelo PL500C, que se publica como anexo I, e aboar a taxa correspondente (16,92 €)

INFORMACIÓN:

-          Resolución do 8 de setembro de 2026 da Secretaría Xeral da Lingua (DOG nº 176 de 16 de setembro de 2026).

O Concello de Ourol, en colaboración coa Asociación de Familiares de Persoas con Alzheimer e outras Demencias de Viveiro, organiza unha charla divulgativa sobre as terapias non farmacolóxicas no tratamento da enfermidade de Alzheimer.

Durante a sesión abordaranse diferentes estratexias e intervencións que poden contribuír ao benestar, á estimulación cognitiva e á mellora da calidade de vida das persoas con Alzheimer e outras demencias, así como ofrecer orientación e información de interese para as familias e persoas coidadoras.

📅 Data: xoves, 24 de setembro
🕓 Horario: de 16:00 a 17:30 horas
📍 Lugar: Edificio Multiusos do Concello de Ourol
👩‍🏫 Impartida por: Educadora Social da Asociación de Familiares de Persoas con Alzheimer e outras Demencias de Viveiro.

👥 Actividade aberta a toda a poboación.

Unha oportunidade para coñecer, aprender e compartir recursos e ferramentas que poden ser de utilidade no acompañamento das persoas con Alzheimer e outras demencias.

Concello de Ourol | Departamento de Servizos Sociais

O Concello de Ourol informa da apertura do Centro de Día “A Mariña”, situado en Xove, un novo recurso de atención diúrna terapéutica para persoas maiores, especialmente aquelas en situación de dependencia.

O centro ofrece atención integral e especializada, con programas de estimulación física e cognitiva, mantemento funcional, intervención social e apoio ás familias e persoas coidadoras. Dispón tamén de transporte adaptado e servizo de manutención.
O horario é de luns a venres, de 9:00 a 19:00 horas, con opcións de xornada completa, media xornada ou estancia por horas.

📍 Urbanización Palmeiro, rúa Palmeiro-Veiga, s/n, Xove
📞 682 26 47 97 / 982 04 31 14
✉️ cd.xove@cogami.gal

Desde o Concello de Ourol animamos ás persoas interesadas e ás súas familias a informarse sobre este novo recurso dispoñible na comarca.

👨‍👩‍👧‍👦 EDUCANDO EN FAMILIA | NOVA EDICIÓN

O Concello de Ourol pon en marcha un ano máis “Educando en Familia”, un espazo de encontro, acompañamento e aprendizaxe dirixido a familias con nenas e nenos de 0 a 6 anos.

📅 Reunión de presentación:
🗓️ 14 de outubro
⏰ 17:00 horas
📍 Edificio Multiusos do Concello

Trátase dun programa educativo gratuíto, aberto a todas as familias, independentemente do centro ou recurso educativo ao que asistan as crianzas.

O programa inclúe:
🌱 Actividades adaptadas ás diferentes idades e necesidades.
👶 Orientación e acompañamento ás familias.
🔎 Servizo especializado de atención temperá para a detección de posibles sinais de alerta no desenvolvemento infantil.
🏫 Actividades nos centros educativos para favorecer unha adaptación progresiva e positiva á escola.

Para máis información ou no caso de non poder asistir á reunión, podedes contactar con Fany, mestra-orientadora, no teléfono 696 315 098.

💚 Agardámosvos nesta nova edición de “Educando en Familia”!

Concello de Ourol

Dende o Departamento de Servizos Sociais estamos a organizar diversas actividades dirixidas a persoas maiores, que comezarán durante o mes de outubro. Para anotarse en calquera destas actividades deben acudir ó Departamento de Servizos Sociais e cumplimentar unha ficha de inscrición. O prazo límite de inscrción será o 29 de setembro e as prazas serán asignadas por orde de solicitude.
CURSO DE XIMNASIA DE MANTEMENTO PARA PERSOAS MAIORES (2 días á semana: martes e venres)
HORA: 11:30 (45 min.)
INICIO: 2 DE OUTUBRO (VENRES)
LUGAR: Edificio Multiusos

CURSO DE ENTRENAMENTO DA MEMORIA (1 día á semana: luns)
HORA: 11:00 (90 min.)
INICIO: 5 DE OUTUBRO
LUGAR: Edificio Multiusos

No cartel adxunto podes consultar todos os horarios e actividades das IV Xornadas Etnográficas da Mariña que se van celebrar en Ourol os vindeiros días 26 e 27 de setembro na carpa situada na praza do concello.

O Centro de Cruz Roja Viveiro oferta cursos de LINGUA GALEGA E CULTURA POPULAR que se celebrarán ó longo dos meses de septembro e outubro en Viveiro. Estes cursos están orientados a todas aquelas persoas non nadas en Galiza. 
Infórmate en Cruz Roja Viveiro (982562200)

A Xunta de Galicia convoca as axudas do Bono Concilia Familia, destinadas a apoiar ás familias nos gastos derivados da conciliación da vida persoal, familiar e laboral, tanto en situacións puntuais como durante os períodos de vacacións escolares.

Dirixidas a familias con nenas e nenos nados entre o 1 de xaneiro de 2013 e o 31 de decembro de 2022.

As axudas poden cubrir ata o 100 % do gasto en determinados supostos familiares e ata o 75 % no resto dos casos, cos límites establecidos na convocatoria.

Prazo de solicitude:
Desde o 9 de setembro de 2026 ás 9:00 h ata o 9 de outubro de 2026 ás 14:00 h.

As solicitudes deberán presentarse electronicamente a través da sede electrónica da Xunta de Galicia.

 Procedemento BS412A

Máis información sobre requisitos, gastos subvencionables e documentación na convocatoria publicada no DOG.

Están a exposición ao público nestas dependencias municipais entre os días 08 e 18 de setembro as listas de candidatos a xurado para a súa consulta polos interesados, aos efectos da presentación de reclamacións.

Cartel das IV Xornadas Etnográficas da Mariña que se celebrarán os días 26 e 27 de setembro en Ourol 

A Xunta de Galicia vén de convocar as axudas do Programa Respiro Familiar, destinadas a apoiar ás persoas coidadoras habituais non profesionais que atenden de maneira continuada persoas en situación de dependencia, con discapacidade ou que precisan axuda de terceiras persoas para as actividades da vida diaria.

As axudas están destinadas a facilitar períodos de descanso e conciliación das persoas coidadoras e contemplan tres modalidades: atención no propio domicilio, atención en centro de día e estadías temporais en centros residenciais. A contía pode acadar ata 1.000 € anuais nas modalidades de respiro no fogar e centro de día, e ata 1.500 € anuais no caso de atención residencial.

Prazo de solicitude: do 12 de agosto ao 15 de outubro de 2026.

As persoas interesadas poden dirixirse aos Servizos Sociais do Concello para recibir información e apoio na tramitación da solicitude.

Consulta no cartel adxunto as recomendacións de saúde para unha observación segura.

Consulta no cartel adxunto os horarios para seguir a eclipse de sol. Lembra seguir as recomendacións para unha observación segura.

O Concello de Ourol continúa avanzando no seu compromiso coa promoción da igualdade real entre mulleres e homes a través das actuacións previstas no III Plan de Igualdade do Concello de Ourol 2025-2028, que establece como unha das súas liñas estratéxicas a prevención e actuación fronte á violencia de xénero. Este compromiso materialízase mediante accións de sensibilización, formación e empoderamento dirixidas á cidadanía, coa finalidade de fomentar relacións igualitarias, detectar situacións de desigualdade e reforzar os factores de protección fronte á violencia machista

Neste marco desenvólvese o obradoiro "Con Voz Propia", organizado en colaboración coa Asociación de Mulleres en Igualdade BUMEI, como un espazo de encontro, reflexión e participación dirixido ás mulleres do municipio. A actividade pretende fortalecer a autoestima, favorecer o empoderamento persoal e proporcionar ferramentas para identificar e previr situacións de violencia de xénero, contribuíndo á construción dunha sociedade máis igualitaria e libre de violencias.

ANÍMATE A PARTICIPAR!! ANÓTATE NO DEPARTAMENTO DE SERVIZOS SOCIAIS 982559109/677489457

Debido a que tras varios intentos de proceso de selección conseguiuse contratar un segundo socorrista para prestar servizo na Piscina Municipal de Ourol durante a tempada 2026; INFORMASE que o servizo de piscina prestarase todos os días a partir da data do 5 de agosto ata a data do 10 de setembro, de xeito que estará aberta ao público todos os días deste periodo, en horario de 12:30 horas a 20:00 horas.

Está aberto un novo prazo para a contratación laboral temporal, mediante concurso de unha praza vacante de un socorrista para a piscina pública municipal de Ourol polo tempo restante que está aberto o Servizo de Piscina Pública Municipal de Ourol para este 2026..

Para poder optar a este posto de traballo hai que estar desempregado/a, non ocupado e dispoñible para o emprego, e inscrito no Servizo Público de Emprego, tanto no momento da selección como no da contratación.

Só serán admitidos e poderán presentarse a este proceso selectivo os candidatos/as que figuren no listado que remita o Servizo Público de Emprego de Galicia de conformidade coa oferta de emprego presentada hoxe por este concello, non sendo admitido/a ningún outro/a candidato/a que non figure no citado listado.

O novo prazo de presentación de instancias estará aberto só o día 31 de xullo de 2026.

Información: No Concello de Ourol a través do Axente de Emprego ou chamando ao 982-559109.

As bases están expostas no taboleiro de anuncios da Casa do Concello de Ourol e tamén se poden consultar no sitio web do concello no enlace: https://concellodeourol.sedelectronica.es

Está aberto un novo prazo para a presentación de solicitudes por parte dos/as interesados/as para cubrir unha praza vacante de xefe de brigada, unha praza vacante de peon condutor de incendios e de dúas prazas vacantes de peon de brigada de incendios para a campaña de incendios do 2026..

O novo prazo de presentación de instancias estará aberto desde o 27 ao 31 de xullo de 2026 (ambos inclusive)

Información: No Concello de Ourol a través do Axente de Emprego ou chamando ao 982-559109.

As bases dos dous procedementos están expostas no taboleiro de anuncios da Casa do Concello de Ourol e tamén se poden consultar no sitio web do concello no enlace: https://concellodeourol.sedelectronica.es

Está aberto un novo prazo para a presentación de solicitudes por parte dos/as interesados/as para cubrir unha praza vacante de xefe de brigada para a campaña de incendios do 2026.

O novo prazo de presentación de instancias estará aberto desde o 20 ao 23 de xullo de 2026 (ambos inclusive)

Información: No Concello de Ourol a través do Axente de Emprego ou chamando ao 982-559109.

As bases dos dous procedementos están expostas no taboleiro de anuncios da Casa do Concello de Ourol e tamén se poden consultar no sitio web do concello no enlace: https://concellodeourol.sedelectronica.es

Está aberto un novo prazo para a presentación de solicitudes por parte dos/as interesados/as para cubrir unha praza vacante de peon condutor de incendios e de dúas prazas vacantes de peon de brigada de incendios para a campaña de incendios do 2026..

O novo prazo de presentación de instancias estará aberto desde o 16 ao 23 de xullo de 2026 (ambos inclusive)

Información: No Concello de Ourol a través do Axente de Emprego ou chamando ao 982-559109.

As bases dos dous procedementos están expostas no taboleiro de anuncios da Casa do Concello de Ourol e tamén se poden consultar no sitio web do concello no enlace: https://concellodeourol.sedelectronica.es

A estrada LU-P-6602 xa está aberta ó trafico, despois de ser retiradas as arbores e cepos que caeron en Cabanas (Sixto).

A estrada LU-P-6602 (estrada que vai dende Magazos ata Muras, pasando por Bravos e Sixto)  atopase cortada en Cabanas - Sixto, debido a tormenta deste domigo; que provocou a caída de moitas arbores asi como tamen os cepos dalgunhas arbores. Ata que esté arranxada; para ir de Bravos a Sixto e viceversa hai que ir polo Rego da Ponte.
Nesta estrada pola parroquia de Bravos podese chegar ata O Coutado e na do Sixto ata Nogueira.
Esperamos que mañá (martes) pola tarde a estrada xa esté aberta a circulación, por este mesmo medio informaremos da apertura da estrada.
Desculpen as molestias.

Está aberto un novo prazo para a contratación laboral temporal, mediante concurso de unha praza vacante de un socorrista para a piscina pública municipal de Ourol para a tempada de verán do 2026.

Para poder optar a este posto de traballo hai que estar desempregado/a, non ocupado e dispoñible para o emprego, e inscrito no Servizo Público de Emprego, tanto no momento da selección como no da contratación.

Só serán admitidos e poderán presentarse a este proceso selectivo os candidatos/as que figuren no listado que remita o Servizo Público de Emprego de Galicia de conformidade coa oferta de emprego presentada hoxe por este concello, non sendo admitido/a ningún outro/a candidato/a que non figure no citado listado.

O novo prazo de presentación de instancias estará aberto desde o 14 ao 20 de xullo de 2026 (ambos inclusive)

Información: No Concello de Ourol a través do Axente de Emprego ou chamando ao 982-559109.

As bases están expostas no taboleiro de anuncios da Casa do Concello de Ourol e tamén se poden consultar no sitio web do concello no enlace: https://concellodeourol.sedelectronica.es