Por motivos de organización, a actividade “USO DE CAIXEIROS DE FORMA FÁCIL E SEGURA” cambia de ubicación.

Nova Ubicación: Casa da Cultura (2ª planta)

DÍA: XOVES 16 DE ABRIL DE 2026

HORA: 11:00 H

Agradecemos a vosa comprensión e agardamos vervos alí.

Este mercores (15 de abril), pasará polo noso concello a segunda a etapa de O Gran Camiño (volta ciclista a Galicia profesional), a etapa que sale de Vilalba e remata en Barreiros, virá de Muras e irá para Viveiro; cruzando o noso concello pola LU 540 (parroquias de Ourol e Merille), estando a estrada totalmente cortada uns 20 minutos, nun horario aproximado de entre as 12:15 e as 12:45 da mañá, por eso rogamos os veciños que se organicen; para non ter contratempos, e tamen os animamos a estar a pe de estrada para poder ver pasar os mellores ciclistas do mundo.

Dende o Departamento de Servizos Sociais do Concello de Ourol, en colaboración coa Escola Galega de Saúde para Cidadáns, poñemos en marcha un Obradoiro de Solo Pélvico, dirixido a mellorar a información e comprensión dos cambios evolutivos da muller, así como a previr enfermidades propias do colectivo feminino.

📍 Lugar: Edificio Multiusos do Concello de Ourol
📅 Data: Xoves, 23 de abril de 2026
🕓 Hora: 16:30 h

📝 Inscricións:
No Departamento de Servizos SociaisChamando aos teléfonos: 982 55 91 09 / 677 48 94 57A través da Escola Galega de Saúde para cidadáns: https://escolasaude.sergas.es/Contidos/Cursos-presenciais

O concello de Ourol en colaboración con Afundación-Obra Social Abanca, vai a levar a cabo unha sesión formativa sobre  USO DE CAIXEIROS DE FORMA FÁCIL E SEGURA.  Esta actividade enmárcase no Programa de Formación Financieira da entidade e ten como obxectivo principal o de Aprender a facer uso dos caixeiros dunha forma eficiente para as operacións máis habituais en calquer momento. Así mesmo, tamén se proporcionarán consellos de seguridade tanto para o uso dos caixeiros como no manexo das tarxetas bancarias. Esta sesión terá lugar no Edificio Multiusos do Concello o xoves 16 de abril ás 11:00 horas. 
Para máis información ou para anotarse na actividade poden contactar co Departamento de Servizos Sociais Municipal ou nos teléfonos 982559109/677489457

Están expostas as Bases Reguladoras das Axudas en réxime de concorrencia non competitiva a Explotacións Gandeiras para o exercicio 2026 no Concello de Ourol.

As axudas reguladas na presente convocatoria teñen por obxecto compensar aos titulares de explotacións gandeiras de gando vacún sitas no Concello de Ourol por perdas derivadas da morte de reses correspondentes ao exercicio 2026.

Poderán ser beneficiarios das axudas as persoas físicas ou xurídicas que consten como titulares da explotación gandeira e estean censados todos os seus membros (no caso de persoas xurídicas) no Concello de Ourol e que a explotación se atope dentro do termo municipal (CEA 27038)

O prazo de presentación de solicitudes será desde o 1 de maio de 2026 ata o 31 de decembro de 2026. (ambos inclusive)

As bases reguladoras están expostas no taboleiro de anuncios da Casa do Concello de Ourol e tamén se poden consultar no sitio web do concello no enlace: https://concellodeourol.sedelectronica.es 

Os días 23 e 24 de maio celebrarase en Losa (Burgos) o “Encontro de pobos co nome de San Pantaleón”.

Programa:

Día 23: Saída de Ourol ás 5h hacia Losa con chegada prevista sobre as 12 h.

Día 24:  Saída pola mañá hacia Ourol.

Prezos:

Estancia 1 noite en aloxamento con cea e desayuno.

Habitación dobre uso individual                                                             109,00 €

Habitación dobre                                                                                       160,00 €

Habitación triple                                                                                         240,00 €

O desprazamento en autobús é gratuíto correndo a cargo do Concello

Toda persoa interesada debe anotarse na Casa da Cultura presentando DNI, comunicar si ten algún tipo de alerxia ou dieta especial  e abonar nese mesmo momento o pago da viaxe na súa totalidade, para calquera dúbida poden chamar ao 982 559019.

As prazas de hotel son limitadas; en caso de completarse, abrirase lista de espera.

Prazo para anotarse: ata o 30 de abril.

Mañá venres a Xunta de Goberno da Deputación de Lugo, vai aprobar o expediente de contratación, procedemento, prego de claúsulas administrativas particulares, gasto e o proxecto técnico, aos efectos da licitación, relativo á contratación das obras de rehabilitación de firme e regos con gravilla da: LU-P 3807 "Bravos (LU-P-6602) - Foxo - San Pantaleón", P.K. 6+510 a 9+543, cun orzamento de 110.607,69 €, e un prazo de execución de 4 meses.

O concello de Ourol acaba de levar a cabo o programa de trampeo, para a captura de raiñas de avispa velutina; para así loitar contra esta especie invasora e poder minimizar os seus efectos, esta actuación se leva realizando xa 6 anos.
Este traballo foi realizado pola empresa SERPA; especialista na loita contra a avispa velutina; tendo un custo de 4.235€ para as arcas municipales.

A Consellería de Emprego, Comercio e Emigración vai abrir próximamente o prazo para a solicitude dos Bonos Activa Comercio do Programa de dinamización e incentivación do consumo nos comercios retallistas

OBXECTO:

Incentivar a demanda comercial axudando económicamente as persoas consumidoras a fomentar o cunsumo nos establecementos comerciais retallistas adheridos á campaña.

COMERCIOS MINORISTAS QUE PODEN ADHERIRSE A ESTE PROGRAMA DE BONOS:

No prazo que vai do día 27/03/2026 ata o 15/12/2026, os establecementos comerciais minoristas interesados poderán solicitalo na web https://bonosactivacomercio.gal.

Requisitos para poder adherirse:

-          Desenvolver a súa actividade comercial en Galicia.

-          Ser empresarios autónomos ou pequenas e medianas empresas.

-          Estar de alta nalgún dos epígrafes do IAE que aparecen na orde publicada no DOG nº 57 de 26/03/2026.

CONDICIÓNS DE USO DOS BONOS:

Para a solicitude e obtención dos bonos, cada usuario deberá darse de alta previamente na web https://bonosactivacomercio.gal e indicar a seguinte información: Nome e apelidos, Localidade de residencia, Maioría de idade, DNI, Tfno móvil, Correo electrónico.

Cada persoa beneficiaria disporá dun único bono que poderá ser usado nun ou en varios comercios retallistas adheridos ao programa.

Cada bono terá un valor de 30 €. En función do importe das compras, poderán obter os seguintes descontos:

-          Desconto de 5 € en compras iguais ou superiores a 20 € e inferiores a 30 €.

-         Desconto de 10 € en compras iguais ou superiores a 30 € e inferiores a 50 €.

-          Desconto de 15 € en compras iguais ou superiores a 50 € (IVE incluído).

A validez dos bonos estenderase ata a finalización do período previsto nas correspondentes ordes de convocatoria de cada unha das edicións do programa

DATA DE ACTIVACIÓN DOS BONOS:

Os bonos estarán disponibles na web https://bonosactivacomercio.gal para a súa descarga polas persoas usuarias durante o período de tempo previsto nas correspondentes ordes de convocatoria da cada unha das edicións do programa.

O programa Bonos Activa Comercio estará vixente ata o 31 de decembro de 2026

INFORMA: 

Orde do 12 de marzo de 2026 da Consellería de Emprego, Comercio e Emigración (DOG nº 57 de data de 26/03/2026)

Concello de Ourol a través do Axente de Emprego en horario de 9:00 a 14:00 horas ou no teléfono 982-559109

O Concello de Ourol en colaboración coa Asociación Ecos do Sur organiza unha actividade de recollida das lembranzas sobre Ourol e arredores. Esta actividade, que terá lugar o día 30 de marzo no Edificio Multiusos de 11:00 a 12:30,  consiste na realización de entrevistas nas que se lles preguntará aos asistentes sobre como era a vida antigamente, a nenez, o traballo no campo, as festas, a emigración, e calquera outro tema que serva para reconstruir o pasado recente de Ourol. Estas entrevistas serán grabadas en audio e quedarán arquivadas coma documentos históricos da memoria local.

Están expostas as bases para a contratación laboral temporal, mediante oposición de un/unha auxiliar de axuda a domicilio (50 %)

Tipo de contrato e duración: Contrato de traballo temporal por substitución de persoa traballadora a xornada parcial (50 %) e a súa duración será polo tempo que dure a baixa da persoa traballadora titular da praza.

O prazo de presentación de instancias estará aberto desde o 23 ao 27 de marzo de 2026 (ambos inclusive)

Información: No Concello de Ourol a través do Axente de Emprego ou chamando ao 982-559109.

As bases están expostas no taboleiro de anuncios da Casa do Concello de Ourol e tamén se poden consultar no sitio web do concello no enlace: https://concellodeourol.sedelectronica.es 

A Consellería de Cultura, Lingua e Xuventude acaba de abrir a convocatoria das probas para a obtención dos certificados de lingua galega, niveis Celga 1, 2, 3 e 4 no ano 2026.

PERSOAS DESTINATARIAS:

Persoas maiores de 16 anos ou que os fagan no ano natural de convocatoria, nacionais ou estranxeiras.

DATAS DE REALIZACIÓN DAS PROBAS:

As probas dos distintos niveis Celga terán lugar entre a segunda quincena de maio e a primeira de xuño de 2026, sempre que ningunha circunstancia excepcional o impida. As datas concretas serán debidamente publicadas no Diario Oficial de Galicia, así como na páxina web da Secretaría Xeral de Política Lingüística (http://www.lingua.gal).

As probas realizaranse en Santiago de Compostela, en Ponferrada e en Madrid.

LOCALIDADES:

Santiago de Compostela (Celga 1, Celga 2, Celga 3, Celga 4)

Ponferrada  (Celga 2, Celga 3, Celga 4)

Madrid  (Celga 2, Celga 3, Celga 4)

 As sedes e horarios para a realización das probas publicaranse na páxina web da Secretaría Xeral de Política Lingüística (http://www.lingua.gal) xunto coas listaxes definitivas das persoas admitidas.

PRAZO DE PRESENTACIÓN DE SOLICITUDES: Ata o 8 de abril de 2026. 

As persoas que desexen inscribirse nas probas Celga deberán cubrir o formulario de solicitude, segundo o modelo PL500C, que se publica como anexo I, e aboar a taxa correspondente.

INFORMACIÓN:

-         Resolución do 6 de marzo de 2026 da Secretaría Xeral da Lingua (DOG nº 49 de 13 de marzo de 2026).

Dende o Concello de Ourol, en colaboración coa Escola Galega de Saúde para Cidadáns, vaise a levar a cabo un OBRADOIRO DE MULLER E SAUDE. Esta actividade  vaise a realizar no Edificio Multiusos do Concello o día 26 de MARZO ás 16:30 horas.
O obxectivo desta actividade é o de mellorar a información e comprensión dos cambios evolutivos da muller así como previr enfermidades propias do colectivo feminino. 
Todas aquelas persoas interesadas en participar poden realizar a súa inscrición no Departamento de Servizos Sociais do Concello de Ourol , chamando ós teléfonos 982559109/677489457 ou a través do seguinte enlace da Escola Galega de Saúde https://escolasaude.sergas.es/Contidos/Cursos-presenciais

Están aprobadas e expostas as bases para a contratación laboral temporal, mediante concurso-oposición de catro peons forestais a xornada parcial (75 %) no Concello de Ourol ao abeiro do Programa de Reforzo do Emprego, incluído no Plan Deputación de Cooperación dos Concellos 2025 da Excma. Deputación Provincial de Lugo.

Tipo de contrato e duración: Contrato de traballo temporal por circunstancias da producción a xornada parcial (75 %) cunha duración de 5 meses.

O prazo de presentación de instancias  estará aberto desde o 9 ao 13 de marzo de 2026 (ambos inclusive)

Información: No Concello de Ourol a través do Axente de Emprego ou chamando ao 982-559109.

As bases están expostas no taboleiro de anuncios da Casa do Concello de Ourol e tamén se poden consultar no sitio web do concello no enlace: https://concellodeourol.sedelectronica.es  así como na páxina web da Deputación Provincial de Lugo.

O Programa establece as seguintes axudas:

a) Unha axuda para facer fronte ao custo da contratación dos seguros de impagamento de rendas e/ou seguros de multirrisco de fogar.

b) Unha axuda para a adecuación e a reparación da vivenda.

c) Unha axuda vinculada á obtención da axuda para a adecuación e a reparación (en diante, axuda vinculada), para o caso de que a vivenda se alugue a persoas menores de 36 anos ou con fillos/as menores de idade ou con persoas dependentes ao seu cargo con algún grado de discapacidade recoñecida.

REQUISITOS:

a) Estar situadas na Comunidade Autónoma de Galicia.

b) Ser de titularidade privada e non estar suxeitas a ningún réxime de protección pública.

c) Reunir as condicións adecuadas de habitabilidade e mantemento no momento de ofrecerse en alugamento.

d) Estar vinculada o Programa durante un período mínimo de cinco ou sete anos, en función de que a persoa propietaria ou usufrutuaria sexa unha persoa física ou xurídica.

e) Non ter sido arrendadas durante os tres meses inmediatamente anteriores á data de presentación da solicitude da/das axudas/s. Este requisito poderá exceptuarse:

– No suposto das vivendas incorporadas na sección II, no caso de que por imperiosa necesidade de emerxencia social, segundo o informe dos servizos municipais, a vivenda xa estivera adxudicada a/as persoa/s arrendataria/s.

– No caso de solicitudes de axudas para facer fronte ao custo da contratación dos seguros de impagamento de rendas e/ou seguros de multirrisco de fogar e das axudas para a adecuación e reparación que xa conten con contrato de alugamento asinado, sempre que a solicitude se realice nun prazo máximo de quince días desde a sinatura do contrato. Neste suposto o prazo dos tres meses computarase desde a data da sinatura do contrato.

f) Non estar afectada por algunha circunstancia xurídica que impida o seu alugamento

ACTUACIÓNS

a) Obras de conservación e mantemento.

b) Obras de rehabilitación precisas para garantir a habitabilidade da vivenda, así como as obras necesarias para o correcto funcionamento das súas instalacións e/ou para a súa adaptación á normativa vixente.

c) Axustes na distribución interior da vivenda.

d) Adquisición e colocación de mobiliario de cociña, así como dos seguintes electrodomésticos: neveira, cociña, forno, microondas, lavavaixelas e campá extractora.

e) Cambio de sanitarios, lavadoras, bañeira e anteparos.

AXUDAS:

A contía máxima das axudas non poderá superar o límite de 16.000 euros por vivenda, de acordo coa seguinte distribución:

a) Axuda para facer fronte ao custo da contratación dos seguros de impagamento de rendas e/ou seguros de multirrisco de fogar: de ata 3.000 euros, desagregados en importes anuais de ata 600 euros, no caso de que a persoa arrendadora sexa unha persoa física, ou de ata 428 euros, no caso de que sexa unha persoa xurídica.

b) Axudas para a adecuación e reparación das vivendas: en función do investimento realizado, terá os seguintes importes:

– Axuda base de ata 5.000 euros: a subvención será do 80 % do gasto xustificado, con independencia do número de actuacións que se realicen, ata un investimento de 6.250 euros.

– Axuda complementaria de ata 6.000 euros, a razón 2.000 euros por cada 10.000 euros de investimento adicional a partires do investimento de 6.250 euros, ou a parte proporcional, en función do investimento realizado e dos gastos xustificados.

c) Axuda vinculada: 2.000 euros.

PRAZO:

As solicitudes poderán presentarse desde as 9:00 horas do luns 9 de marzo ata as 14:00 horas do 3 de xuño de 2026.

MÁIS INFORMACIÓN: 

Resolución do 24 de febreiro de 2026 do Instituto Galego de Vivenda e Solo (DOG nº 39 de 27/02/2026).

Xa está aberta ao tráfico a estrada que vai de Ourol (casco urbano) a As Lobeiras, que onte permaneceu cortada por causa dun transporte especial, que quedou atascado entre Sucamiñó e Os Muiños.

A estrada 3801 de Ourol (casco urbano) a As Lobeiras, atopase cortada 500 metros despois de Sucamiño, por un transporte especial que quedou atascado nunha curva. O tráfico queda desviado por Viladóniga para ir a Xerdiz, dende o Casco Urbano de Ourol; podese chegar soamente ata Sucamiño. A estrada estará cortada aproximadamente ata as 7 da tarde; de hoxe venres; que é cando se calcula que esté retirado o vehículo.

O Concello de Ourol informa da posta en marcha dun Programa formativo gratuito organizado pola UNED sobre Intelixencia Artificial. Este programa consta de 6 CURSOS ( 25 horas cada un deles, 1 ECTS por curso) e un curso introductorio adicional sobre competencias dixitais (tamén 1 ECTS). En total, 150 horas de formación (6 ECTS)
DESTINATARIAS: Mulleres residentes en zonas rurais de risco de despoboación en España.
OBXECTIVO XERAL: Capacitar ás mulleres do ámbito rural no uso ético, práctico e estratéxico da Intelixencia Artificial Xenerativa (IA-G), fortalecendo as súas competencias dixitais para a mellora de empregabilidade, o emprendemento e a participación activa na transformación dixital das súas comunidades. 
REQUISITOS: Dispor dos recursos tecnolóxicos básicos: ordenador e conexión a internet. Non se requiren coñecementos previos. Recoméndase que aquelas mulleres con coñecementos dixitais limitados, realicen previamente o módulo de competencias dixitais. 
CALENDARIO ACADÉMICO: 
Apertura: 15 de setembro de 2026
Peche: 15 de xaneiro de 2027
Para máis información e consultas:
mail:  mujerrural.iahu@edu.uned.es
facebook: Mujeres Rurales frente a la IA Generativa-Mujer Rural
Instagram: @mujerruralia

Están expostas as bases para a contratación laboral temporal, mediante oposición de un/unha auxiliar de axuda a domicilio (50 %)

Tipo de contrato e duración: Contrato de traballo temporal por substitución de persoa traballadora a xornada parcial (50 %) e a súa duración será polo tempo que dure a baixa da persoa traballadora titular da praza.

O prazo de presentación de instancias estará aberto desde o 2 ao 6 de marzo de 2026 (ambos inclusive)

Información: No Concello de Ourol a través do Axente de Emprego ou chamando ao 982-559109.

As bases están expostas no taboleiro de anuncios da Casa do Concello de Ourol e tamén se poden consultar no sitio web do concello no enlace: https://concellodeourol.sedelectronica.es 

A Axencia Galega de Desenvolvemento Rural (AGADER) abriu o prazo da convocatoria para o 2026 das Axudas para a execución de operacións en apoio de terceiras persoas que se tramiten ao abeiro da intervención Leader.

 

TIPOLOXÍA DAS OPERACIÓNS SUBVENCIONABLES:

-           Proxectos produtivos: (Contía da axuda: 15% - 50%) Proxectos que suponen a realizacións dunha actividade económica, tendentes á producción de bens ou servizos e que suponen unha creación e/ou mantemneto de emprego.

-           Proxectos non produtivos: (Contía da axuda: 30% - 90%) Proxectos promovidos por entidades sen ánimo de lucro, entidades públicas locais, comunidades de montes veciñais en man común ou as súas mancomunidades, que non supoñan o inicio ou o desenvolvemento duna actividade económica.

A contía máxima será de 200.000 € por proxecto.

PERSOAS BENEFICIARIAS: Poderán ser beneficiarias destas axudas as entidades públicas de carácter local ou comarcal, en concreto: concellos, mancomunidades, consorcios e entidades depedentes das anteriores; as persoas físicas ou xurídicas de carácter privado, incluíndo nesta categoría as comunidades de montes veciñais en man común e as súas mancomunidades.

REQUISITOS DAS OPERACIÓNS SUBVENCIONABLES:

-           Estar localizados no ámbito territorial elixible de aplicación da estratexia de desevolvemento local do GDR.

-           Ser viables técnica, económica e financieramente, para os produtos de natureza produtiva, e técnica e financieramente para os non produtivos.

-           Axustarse a normativa sectorial (comunitaria, estatal, autonómica e local) que resulte de aplicación para cada tipo de proxecto.

-           Non estar iniciados na data de presentación da solicitude de axuda e ser finalistas



GASTOS SUBVENCIONABLES:

1.- A construcción, adquisición e mellora de inmobles, utilizados en relación cos obxectivos do proxecto, cando se aporte unha taxación independente que acredite que o prezo de axusta ao valor do mercado, que non recibirán axudas públicas nos últimos 10 anos e se garantice o seu uso durante alomenos 5 anos.

2.- A adquisición de terreos, ata o límite do 10 % do total dos gastos subvencionables, cando o seu prezo esté xustificado mediante taxación independente e esté directamente relacionado cos fins do proxecto.

3.- A adqusición de maquinaria e equipamentos novos. Poderán ser subvencionables os gastos en arrendamentos financeiros con opción de compra de activos subvencionables, incluído o valor da opción de compra, excepto a marxe do arrendador, custos de refinanciamento dos xuros, gastos xerais ou seguros, polo período de vida útil do activo e sen superar o custo de mercado ou a aprte proporcional se o contrato finaliza antes.

4.- Investimentos intanxibles como a adquisición e o desenvolvemento de programas informáticos, así como a creación de páxinas web, estudos, publicacións e investimentos necesarios para dixitalización do proceso produtivo ou a xestión da actividade económica.

5.- Custos xerais vinculados aos gastos de investimento, tales como honorarios de arquitectos, enxeñeiros e asesores, honorarios relativos ao asesoramento sobre a sustentabilidade económica e ambiental, incluídos os estudos de viabilidade.

6.- Gastos notariais e rexistrais derivados do inicio da actividade prevista no proxecto, así como os gastos de expedición de permisos e licenzas, a adquisición de patentes e licenzas, dereitos de autor e marcas rexistradas.

7.- Medios e equipamentos de transporte, segundo a natureza do proxecto, en proxectos de natureza produtiva, poderán subvencionarse a adquisición de vehículos destinados exclusivamente a actividades empresariais ou profesionais en iniciativas que supoñan o inicio dunha actividade económica, así como os gastos de adecuación de vehículos para o transporte de mercadorías ou prestación de servizos, sempre que dita adecuación non sexa legalmente obrigatoria unha vez iniciada a actividade.

En ningún caso se subvencionará a adquisición e/ou adecuación de vehículos no sector do transporte


PRAZO PRESENTACIÓN SOLICITUDES: Ata o 6 de abril de 2026

INFORMACIÓN:
Resolución do 30 de decembro de 2025 de AGADER, DOG nº 21, de luns 2 de febreiro de 2026
ASESORAMENTO E CONTACTO:
Para calquera dúbida, apoio técnico ou asesoramento personalizado, ponte en contacto co noso equipo de expertos en desenvolvemento rural a través de:

📧 Correo electrónico: terrasmiranda@gmail.com

📞 Teléfono: +34 982 507 111

🕒 Horario: luns a venres, 9:00–14:00

Desde a Biblioteca Municipal organizamos este obradoiro, inspirado nos omamori xaponeses, coa finalidade de crear un espazo de aprendizaxe, de saber, de colaboración e creación...
Aprenderemos técnicas básicas de bordado accesibles para todas as persoas polo que non é necesario ter coñecementos previos na materia.

Día: 5 de marzo
Hora: 10:30 h
Lugar: Biblioteca Municipal de Ourol
Inscrición: ata o 4 de marzo no teléfono 982 55 90 19 ou no 608694051
Destinatarios: persoas adultas

Están aprobadas e expostas as bases para a contratación laboral temporal, mediante concurso-oposición de catro peons forestais a xornada parcial (75 %) no Concello de Ourol ao abeiro do Programa de Reforzo do Emprego, incluído no Plan Deputación de Cooperación dos Concellos 2025 da Excma. Deputación Provincial de Lugo.

Tipo de contrato e duración: Contrato de traballo temporal por circunstancias da producción a xornada parcial (75 %) cunha duración de 5 meses.

O prazo de presentación de instancias  estará aberto desde o 9 ao 13 de marzo de 2026 (ambos inclusive)

Información: No Concello de Ourol a través do Axente de Emprego ou chamando ao 982-559109.

As bases están expostas no taboleiro de anuncios da Casa do Concello de Ourol e tamén se poden consultar no sitio web do concello no enlace: https://concellodeourol.sedelectronica.es  así como na páxina web da Deputación Provincial de Lugo.

RESOLUCIÓN do 11 de febreiro de 2026 pola que se convocan seis edicións do curso formación específica de socorrismo en instalacións e espazos acuáticos naturais destinado ás persoas interesadas no desenvolvemento do exercicio profesional de socorrismo na Comunidade Autónoma de Galicia.

Convócanse varios cursos, entre eles o seguinte:

Curso de formación específica de socorrismo e salvamento en instalacións e espazos acuáticos naturais. 

Lugar de realización: Cervo (Lugo). 

Datas de realización: 4, 5, 11, 12, 18, 19, 25, 26 de abril, 2, 3, 9, 10, 16, 17, 23, 24, 30 de maio.

Requisitos xerais:

- Persoas maiores de idade en posesión do título de graduado/a en educación secundaria obrigatoria.

- Non atoparse inscrito de forma definitiva na sección ou seccións correspondentes do Rexistro Profesional de Socorristas Acuáticos de Galicia.

Requisitos específicos:

- Superar a proba específica "combinada con aletas" que constitúe o primeiro módulo formativo dos cursos convocados.

Pazo de inscrición: Comeza mañá día 20 de febreiro e remata o 2 de marzo de 2026. A asignación das prazas ten en conta a orde de presentación das solicitudes.

Máis información:

https://www.xunta.gal/dog/Publicados/2026/20260219/AnuncioO3C2-090226-0001_gl.pdf 

QUEDAN POUCOS DÍAS PARA ANOTARSE NA COMIDA-BAILE. 
ACHEGÁDEVOS Ó DEPARTAMENTO DE SERVIZOS SOCIAIS PARA RECOLLER  A VOSA ENTRADA
ANIMÁDEVOS A PARTICIPAR!!!!
NENAS E NENOS ATA 2 ANOS GRATIS
NENAS E NENOS DE 3 A 11 ANOS: 10 EUROS

Esta tarde (11 de febreiro) chegará o forte da borrasca Nils ó noso concello, traerá ventos de mais de 100 km/h, o peor de este fenómeno meteorolóxico comenzará as 15 horas (3 da tarde) e durará ata as 21 horas da noite deste mercores, ademais virá acompañado de choivas fortes.
Pregamos ter coidado nas estradas, xa que pode haber ramas, arbores, balsas de auga e zonas asolagadas.
Nas vivendas pechar e asegurar portas, xanelas, ou toldos para evitar danos nas nosas propiedades, e retirar macetas ou obxectos que poidan caer a rúa.
Evitar pasar preto de casas en ruinas ou en construcción, de paneis publicitarios e de obxectos susceptibles de desprazarse polo vento.