A estrada 3807 que vai de O Foxo a San Pantaleon permanece cortada na súa totalidade ao tráfico por causa dun derrubamento do firme da estrada ata novo aviso. O acceso será  pola zona de O Cargadoiro.

A Cruz Vermella vai iniciar proximamente un CURSO DE ATENCIÓN SOCIOSANITARIA A DEPENDENTES EN INSTITUCIÓNS SOCIAIS

Destinatarios: Maiormente persoas desempregadas

Requisitos: ESO, Competencias Clave ou equivalente

Duración: 528 horas

Información: 607-346269
formacionlugo@cruzroja.es

AGADER abreu o prazo para a solicitude de subvencións para Proxectos de investimento en actividades empresariais para a diversificación agraria.

Persoas beneficiarias:

1.        As pequenas empresas situadas en zonas rurais e cosntituídas con anterioridade ao 1 de setembro de 2025.

2.        Persoas físicas que residan nunha zona rural.

3.        Titular dunha explotación agraria, ou membro da súa unidade familiar.

Proxectos Subvencionables:

Os proxectos deben ter un orzamento elixible superior a 20.000 € e inferior a 300.000 €. 

a) Industrias, fábricas e locais destinados á produción de bens e materiais. Non obstante o anterior, os investimentos relacionados coa utilización da madeira como materia prima ou fonte de enerxía limitaranse ás operacións de segunda transformación.

b) Transformación e/ou comercialización de produtos agrarios.

c) Prestación de servizos en calquera sector económico, con exclusión das empresas de servizos de maquinaria agrícola e forestal e das empresas de servizos enerxéticos.

d) Prestación de servizos sociais (garderías, coidado de anciáns, de persoas con discapacidade,...).

e) Actividades de ocio, recreativas e deportivas.

f)  Artesanía e actividades artesanais.

g) Actividades nos sectores da enxeñaría, arquitectura, servizos técnicos, limpeza industrial e veterinaria.

h)  Comercio polo miúdo.

Requisitos:

-       Non estar iniciados na data de presentación da solicitude.

-       Desenvolverse en Galicia exceptuando as zonas densamente poboadas

-       Ser finalistas, viables e axustarse á normativa sectorial e ás bases.

-       As persoas solicitantes poderán presentar como máximo un proxecto ao abeiro desta convocatoria.

Gastos subvencionables:

-       Compra de bens de equipamento novos afectos á actividade empresarial e que sexan necesarios para o desenvolvemento da actividade produtiva da empresa.

Non serán subvencionables: material funxible en xeral, envases e embalaxes, maquinaria agrícola e/ou forestal, reposición ou sustitución de bens de equipos existentes; equipos de calefacción, climatización ee ventilación, traídas e acometidas de servizos; adquisición de bens de equipamento e materiais de segunda mano u destinados ao alugamento; equipamentos informáticos de ofcina e licenzas informáticas; deseño e/ou actualización de páxinas web; compra de vehículos de transporte exterior, de vehículos especiais agrícolas e de obras; mobiliario de oficina; investimentos non relacionados directamente coa actividade; gastos de alugamento nin de leasing; man de obra propia nin materiais propios; adquisición de terreos; taxas por licenzas administrativas; IVE; gastos financieiros; xuros debedores; conceptos non desagragados, os investimentos realizados con carácter previo a presentación da solicitude da axuda

Importe da Axuda: 50 % dos gastos subvencionables.

Para calquera dúbida as persoas promotoras poden poñerse en contacto con Agader a través do enderezo electrónico: infoagader@xunta.gal ou nos teléfonos:  981 547 369 - 981 540 140 – 881 997 263

Prazo de presentación de solicitudes:

Ata o 19 de febreiro de 2026

Máis información: Resolución do 30 de decembro de 2025 de AGADER (DOG nº 11 de 19/01/2026) 

Dende o Concello de Ourol, en colaboración coa Escola Galega de Saúde para Cidadáns, vaise a levar a cabo un CURSO DE PRIMEIROS AUXILIOS. Esta actividade  vaise a realizar no Edificio Multiusos do Concello o día 10 de FEBREIRO ás 16:30 horas.
Todas aquelas persoas interesadas en participar poden realizar a súa inscrición no Departamento de Servizos Sociais do Concello de Ourol , chamando ós teléfonos 982559109/677489457 ou a través do seguinte enlace da Escola Galega de Saúde https://escolasaude.sergas.es/Contidos/Cursos-presenciais

Dende o concello informamos que nestos momentos contamos con PRAZAS disponibles na UNIDADE TERAPEUTICA PARA PERSOAS CON DETERIORO COGNITIVO E OUTRAS DEMENCIAS.
Esta actividade estase levando a cabo os MARTES en horario de 16:00 A 19:00 H (3HORAS) no CENTRO SOCIAL DE MERILLE e non ten ningún custe económico para a persoa participante.

Todas aquelas persoas interesadas neste servizo poden poñerse en contacto co Departamento de Servizos Sociais do Concello ou nos teléfonos (982559109/ 677489457)

A Plataforma Sanitaria da Mariña avanzou  que contratará autobuses desde Viveiro e Ribadeo para acudir á manifestación en defensa da sanidade pública que se celebrará o 1 de febreiro, que será domingo, en Santiago de Compostela (12.00 horas, Alameda). 
Os interesados en reservar praza poden chamar ós teléfonos 982 140 654, 982 581 861, 667 052 058 e 629 588 833.
O prazo remata o xoves 29 ás 14 horas.

Probas de avaliación en competencias clave para acceder aos certificados de profesionalidade de nivel 2 e 3 de cualificacións.

OBXECTO:

Convocatoria das probas de avaliación en competencias clave para o acceso as accións formativas dos novos certificados de profesionalidade de nivel 2 e 3.

As competencias clave son necesarias para poder acceder a certas especialidades dos obradoiros de emprego de nivel 2 e 3 para aqueles desempregados que non posúan de estudos como mínimo a ESO.

COMPETENCIAS CLAVE QUE SE CONVOCAN:

Convocanse probas nos dous niveis de cualificación profesional 2 e 3 nas seguintes competencias clave:

-          Comunicación en lingua galega

-          Comunicación en lingua castelán.

-          Comunicación en lingua extranxeira (inglés)

-          Competencia matemática.

No caso da competencia de comunicación en lingua galega, estarán exentas de presentarase a esta proba as persoas que estén en posesión do certificado Celga 2 ou Celga 3 dependendo do nivel ao que se presente.

PRAZO DE PRESENTACIÓN DE SOLICITUDES: Ata o 16 de febreiro de 2026.

DOCUMENTACIÓN:

-          Modelo de solicitude (Anexo I) (dispoñible na sede electrónica da Xunta de Galicia https://sede.xunta.gal)

INFORMACIÓN:

-          Resolución do 12 de decembro de 2025 da Consellería de  Emprego, Comercio e Emigración. DOG nº 8 de 14 de xaneiro de 2026).

-          Instituto Galego das Cualificacións. Tfnos: 981-546840   981-541562   981546808      ctb.igcualif@xunta.es

-          Concello de Ourol a través do Axente de Emprego en horario de 8:00 a 15:00 horas ou no teléfono ao 982-559109.

BENEFICIARIOS:
Persoas físicas propietarias ou usufructuarias de vivendas situadas en concellos de menos de 5.000 habitantes e que acrediten ingresos non superiores a 6,5 veces o IPREM

ACTUACIÓNS SUBVENCIONABLES:

Obras de rehabilitación, terminación e/ou ampliación de vivendas así como as actuacións dirixidas ao cambio de uso de locais e entreplantas para destinalos a vivenda.
Dentro das actuacións de rehabilitación, enténdense incluídas as de accesibilidade, conservación, habitabilidade, sustentabilidade e eficiencia enerxética das vivendas.

As actuacións subvencionables non deben estar iniciadas na data de publicación da orde de convocatoria (13/01/2026).

A vivenda dedicarase a residencia habitual e permanente das persoas propietarias e/ou usufructuarias ou a alugueiro durante un prazo como mínimo, de cinco anos

No suposto de que as vivendas se destinen ao alugueiro, a obtención da condición de persoa beneficiaria deste programa determinará a incorporación da vicneda ao programa Fogar Vivo da Comunidade Autónoma de Galicia.

AXUDAS:

As axudas serán do 75 % do orzamento protexido das obras, sen que en ningún caso poidan superar a cantidade de 30.000 euros por vivenda.

PRAZO PRESENTACIÓN SOLICITUDES:

O prazo comezará  o 20 de xaneiro de 2026 a partir das 9:00 horas e rematará o 1 de setembro de 2026 ou ata o esgotamento do crédito orzamentario. 

INFORMACIÓN:

Resolución do 22 de decembro de 2025 do Instituto Galego da Vivenda e Solo, DOG nº 7 de 13 de xaneiro de 2026.

Para máis información poden acudir ao Concello de Ourol a través do Axente de Emprego e Desenvolvemento Local, en horario de 9:00 a 14:00 horas ou ben chamar ao teléfono 982-559109.

AXUDAS PARA ACTUACIÓNS DE CORRECCIÓN DE IMPACTOS PAISAXÍSTICOS DESTINADAS A PARTICULARES

OBXECTO:

Poderán ser obxecto de subvención as seguintes actuacións:

a) Actuacións de restauración e/ou revestimento de elementos de fachada.

b) Remate, renovación e/ou substitución do acabamento exterior de cubertas

c) Recuperación, restauración e/ou revestimento de muros de peche de terreos


REQUISITOS:

Poderán ser beneficiarios desta subvención as persoas físicas propietarias ou usufructuarias dun inmoble ou ben sobre o que pretendan realizar algunha/s das actuacións subvencionadas.

Só caberá presentar unha solicitude por persoa. Cada solicitude poderá conter varias actuacións.

A persoa solicitante deberá ser propietaria ou usufructuaria do terreo, inmoble ou ben en que se pretende realizar as actuacións e deberá acreditar a súa plena dispoñibilidade.

 
GASTOS SUBVENCIONABLES:

-          Gastos necesarios para a axeitada execución das actuacións subvencionadas

-          Gastos correspondentes a honorarios facultativos pola redacción dos proxectos técnicos.

-          Os tributos serán gasto subvencionable cando a persoa beneficiaria da subvención os aboe efectivamente.

 
CONTÍA DA SUBVENCIÓN:

O importe da subvención será do 70% do orzamento do investimento subvencionable, co límite máximo de 3.000 € por solicitante e ben.


PRAZO E SOLICITUDES:

O prazo comeza o 16 de xaneiro a partir das 12:00 h. e finaliza o 16 de febreiro de 2026, ou ata o esgotamento do crédito, téndose en conta a orde cronolóxica de entrada das solicitudes.

INFORMA: 

Resolución do 30 de outubro de 2025 do Instituto de Estudos do Territorio (DOG nº 3 de data de 07/01/2026)

Concello de Ourol a través do Axente de Emprego en horario de 9:00 a 14:00 horas ou no teléfono 982-559109

Están expostas as bases para contratación laboral temporal, mediante oposición de dous/dúas auxiliares de fogar, unha a xornada completa e outra a xornada parcial (75 %).

Tipo de contrato e duración: Contrato de traballo temporal por circunstancias da producción e a súa duración será de seis meses.

O prazo de presentación de instancias estará aberto desde o 7 ao 13 de xaneiro de 2026 (ambos inclusive)

Información: No Concello de Ourol a través do Axente de Emprego ou chamando ao 982-559109.

As bases están expostas no taboleiro de anuncios da Casa do Concello de Ourol e tamén se poden consultar no sitio web do concello no enlace: https://concellodeourol.sedelectronica.es 

Xa está aberta a preinscrición para a acción formativa "CIBERSEGURIDADE: ACOSO, GROOMING E OUTRAS ESTAFAS" dentro do programa "PARA DIXITALIZARSE LUGO"

Preinscríbete aquí: https://yparadigitalizarselugo.com/, seguindo os seguintes

Pica en selecciona o teu concello, e escolle a acción formativa na que queres participar . DATA FIN DE INSCRICIÓN 12 DE XANEIRO DE 2026

OUROL
I00-014 Ciberseguridad: acoso, grooming, demás estafas
EDIFICIO MULTIUSOS

28, 29 ENE // 4, 5, 11, 12, 18, 19, 25, 26 FEB 2026. De 10:30h a 12:30h

Xunta o teu DNI escaneado, e a tarxeta de demandante de emprego, se é o caso
Podes anotarte tamén acudindo ó Departamento de Servizos Sociais do Concello de Ourol(982559109/677489457)

Estamos preparando unha tarde verdadeiramente máxica para o día 22 de decembro. Con moitas sorpresas, agasallos e festa, moita festa. E por suposto Papá Noel que recollerá as cartas dos nenos e nenas que se acheguen polo multiusos de Ourol.
Apúntate na páxina web www.concellodeourol.es no apartado de biblioteca ou na páxina de Facebook do concello no enlace habilitado.
https://forms.gle/MqurTmDKShkf1B9w6
Máis información no teléfono 982 55 90 19 ou no 608694051.
Día: 22 de decembro
Lugar: Edificio Multiusos de Ourol
Destinatarios: nenos/as a partir de 3 anos e familias
Inscrición ata o 19 de decembro na páxina web do concello ou na páxina de Facebook do concello .

O Concello de Ourol organiza un ano máis O CAMPAMENTO DE NADAL dirixido a nenos e nenas de 4 a 12 anos empadroad@s no concello. Esta actividade levarase a cabo dende o día 22 de decembro ata o 2 de xaneiro  (8 días) en horario de 10:30 a 13:30 no Pavillón Polideportivo. Contarase con servizo de conciliación dende as 8:30 e ata as 14:00 h. para aquelas familias que xustifiquen a necesidade de facer uso deste servizo.
O prazo de inscrición permanecerá aberto entre os días 10  e 17 de decembro.
Os documentos para a realización da inscrición estarán disponibles no Taboleiro de Anuncios da Sede Electrónica do Concello.
Para máis información poden dirixirse ó Departamento de Servizos Sociais do Concello de Ourol (982 559109/677489457)

Xa están a disposición de todas as persoas interesadas os calendarios do Concello de Ourol para o ano 2026.
Poden pasar a recollelos nas Oficinas do Concello ou na Casa de Cultura.

A Deputación de Lugo, abre o prazo para participar no Programa Lugo Termal
Ofértanse máis de 2.000 prazas en 4 balnearios da provincia de Lugo. (Guitiriz, Termas Lugo, Augas Santas en Pantón, Río Pambre en Palas de Rei)
Estancias de 6 días/5 noites
Prezo: 275 Euros
Requisitos: 
- Persoas empadroadas na Provincia de Lugo maiores de 50 anos (as persoas acompañantes non se lles requiren estas condicións)
Para máis información: 
Departamento de servizos sociais
982559109/677489457

O Concello de Ourol súmase este 1 de decembro á Campaña de ONUSIDA na conmemoración do Día Mundial da Sida, unha data na que o mundo enteiro se une para apoiar ás persoas que viven co VIH e lembrar a quen faleceu por causas relacionadas coa sida.

Baixo o lema “Superar as disrupcións, transformar a resposta ao sida”, este ano poñemos o foco nos desafíos actuais e na necesidade dunha resposta sólida, informada e libre de prexuízos.

O lazo vermello, símbolo universal de solidariedade, lembra hoxe máis ca nunca que o VIH non desapareceu e que é imprescindible reforzar a prevención, a información e o apoio ás persoas afectadas, avanzando cara a unha sociedade sen estigma nin discriminación.

Desde o Concello de Ourol reiteramos o noso compromiso coa sensibilización e coa defensa dos dereitos e do benestar das persoas que viven co VIH.
Como en anos anteriores, o concello de Ourol participa nesta campaña a través da distribución de materiais divulgativos que se depositarán en dúas mesas informativas que se instalarán na Casa do Concello e na Casa da Cultura. 

Xa está aberta ao tráfico a estrada que vai de O Sixto a Ambosores que onte permaneceu cortada  por causa dun derrubamento á altura de Santar.

A estrada que vai de O Sixto a Ambosores permanece cortada ao tráfico por causa dun derrubamento á altura de Santar.
Ao longo do día de hoxe está previsto que volva a estar aberta a circulación de vehículos.

A productora Vaca Films busca mozos/as de 18 a 25 anos de Viveiro e Ourol para un casting para a nova serie que se está rodando en Ourol.

A rodaxe está prevista que se realice o sábado dia 29 de novembro en horario de 18:00 h. a 04:00 h. e o domingo día 30 de novembro en horario de 17:30 h. a 03:30 h.

Para presentarse ao casting os mozos/as interesados deben enviar ao mail: castingsgalicia@gmail.com os seguintes datos:
nome completo, idade, teléfono de contacto, concello de residencia, altura, talla de camiseta, pantalón e zapatos e fotos recentes

O Concello de Ourol informa que no marco da Estratexia Galega de Atención á Soidade Non Desexada, existen unha serie de medidas e recursos para que toda persoa que viva ou se sinta soa se saiba arroupada, viva onde viva, e sexan cales sexan as súas circunstancias persoais, sociais ou económicas. Un destos recursos é a Central de Atención á Soidade non Desexada, habilitada pola Xunta da man de Cruz Vermella, que funciona initerrompidamente para escoitar, acompañar e axudar a quen o precise. Trátase dun teléfono GRATUITO e CONFIDENCIAL no que sempre se atopa resposta e entendemento. Se o precisas chama ó 900 830 831. 

O Concello de Ourol organiza o espectáculo musical “Patios de Luz” da cantautora galega Su Garrido Pombo con motivo do Día Internacional da Eliminación da Violencia contra a Muller. Esta actuación terá lugar o domingo 23 de novembro no Centro Social de Merille ás 17:00h.

A través da música e da palabra, “Patios de Luz” convida a poñer luz nas historias invisibles de tantas mulleres que sofren violencia ou desigualdade no silencio. O título é unha metáfora deses espazos ocultos que, malia permanecer agochados, deixan entrar a claridade e fan posible a vida. A cultura, neste caso, convértese nun espazo de encontro, reflexión e esperanza, porque só cando abrimos os nosos patios de luz pode entrar a igualdade.

Con esta actividade, o Concello reafirma o seu compromiso coa erradicación da violencia machista e coa sensibilización social pola igualdade. Durante o evento realizarase unha campaña de divulgación de información coa entrega de trípticos e guías con recursos e servizos de apoio contra a violencia de xénero.

Ourol conmemora o Día Internacional da Eliminación da Violencia contra a Muller
O Concello de Ourol súmase un ano máis á conmemoración do 25 de novembro, Día Internacional da Eliminación da Violencia contra a Muller, cunha programación que combina a expresión musical e a participación cidadá como vías de sensibilización e compromiso social, baixo o lema “Ourol dí NON á violencia contra a muller”.

Os actos arrancarán o domingo 23 de novembro, ás 17:00 horas, no Centro Social de Merille, cun espectáculo musical da cantautora galega Su Garrido Pombo, titulado “Patios de luz”, unha proposta que convida á reflexión a través da música e da palabra.

O martes 25 de novembro, ás 12:30 horas, celebrarase a VII Andaina da Eliminación da Violencia contra a Muller, cun percorrido simbólico polo Paseo da Rega de Ourol, no que se realizará a lectura institucional dun manifesto de rexeitamento á violencia machista. A actividade está aberta a toda a cidadanía e non require inscrición previa.

Durante ambos eventos distribuiranse trípticos e guías de recursos de apoio e prevención contra a violencia de xénero, elaborados polo propio Concello, Xunta de Galicia e a Asociación de Mujeres en Igualdad Provincial de Lugo (Bumei).

Con esta programación, o Concello de Ourol reafirma o seu compromiso coas políticas de igualdade e coa construción dunha comunidade libre de violencias.

Estas actividades están financiadas con fondos do Pacto de Estado Contra a Violencia de Xénero.

Máis información no Departamento de Servizos Sociais do Concello de Ourol. Teléfonos 982 559 109 / 677 489 457.

O vindeiro día 18 de novembro ás 18:00 h no Centro Social de Merille teremos a representación da obra Cores do Camiño da compañía de teatro Satori. Será para nenos/as a partir de 4 anos e familias.
NO CENTRO SOCIAL DE MERILLE (houbo un erro na publicación anterior).
Anímate a vir, seguro que pasamos un momento moi divertido e agradable.
Inscricións ata o 14 de novembro na páxina www.concellodeourol.es no apartado de novas ou no de biblioteca, no formulario habilitado.
https://forms.gle/vDqGVFLAxdCFZh9H6

A Consellería de Política Social e Igualdade, a través da Dirección Xeral de maiores e Atención Sociosanitaria, organiza o "PROGRAMA XUNTOS POLO NADAL" destinado a persoas maiores que se atopen soas nesas datas, sexa por carencia de familiares ou amigos, perda do seu cónxuxe ou outras circunstancias. 

O Concello de Ourol únese á campaña de sensibilización promovida pola Asociación Cuiden -maiores e coidadores-  con motivo do Día das Persoas Coidadoras, unha data para recoñecer e poñer en valor o esforzo, a dedicación e o agarimo de todas aquelas persoas que coidan dos seus familiares dependentes.

Dende o Concello queremos expresar o nóso apoio e agradecemento a quen, de xeito profesional ou familiar, realiza unha labor imprescindible para o benestar da nosa comunidade. Lembremos que coidar non é un feito privado nin doméstico, senón un acto social e colectivo.

¡¡Grazas por coidar, grazas por estar!!

Concello de Ourol