Eventos de Ourol

Actuacións subvencionables:
1. Consideraranse subvencionables as actuacións para a mellora da accesibilidade. En particular, as seguintes:

a) A instalación de ascensores, salvaescaleiras, ramplas, automatismos para a apertura de portas incorporando mecanismos motorizados ou outros dispositivos de accesibilidade, así como calquera medida de accesibilidade que facilite a autonomía e a vida independente de persoas con mobilidade reducida, tanto en edificios como en vivendas unifamiliares, incluíndo os dispositivos adaptados ás necesidades de persoas con discapacidade sensorial ou intelectual, así como a súa adaptación, unha vez instalados, á normativa sectorial correspondente. Inclúese a integración mediante un único mecanismo de identificación (teléfono intelixente, cámaras, pantallas ou outros dispositivos tecnolóxicos equivalentes en canto á súa funcionalidade) dos sistemas de apertura e control de accesos e doutros sistemas que necesiten control persoal e a adaptación, cando existan, a altura non superior a 1,40 m dos dispositivos xa instalados.

b) A instalación ou dotación de produtos de apoio tales como guindastres ou artefactos análogos, así como sistemas tecnolóxicos de guiado que permitan a localización, que permitan o acceso e uso por parte das persoas con discapacidade a elementos comúns do edificio, se é o caso, tales como xardíns, zonas deportivas, piscinas e outros similares.

c) A instalación de elementos de información, de comunicación ou de aviso tales como sinais luminosos e visuais, vibrotáctiles ou sonoros que permitan a orientación no uso de escaleiras, ascensores e do interior das vivendas. En particular, a instalación de elementos que melloren a accesibilidade e seguridade no uso dos ascensores, como a comunicación bidireccional en cabina.

d) A instalación de produtos de apoio á audición para a accesibilidade no contorno, como os bucles magnéticos.

e) A instalación de elementos ou dispositivos electrónicos de comunicación entre as vivendas e o exterior, tales como videoporteiros que proporcionan información visual e auditiva e análogos.

f) A instalación de dispositivos de alarma no ascensor que garantan un sistema de comunicación visual, auditiva e bidireccional co exterior para os casos de emerxencia ou atrapamento. Así como a instalación de bucle magnético nos devanditos dispositivos.

g) A instalación domótica e doutros avances tecnolóxicos para favorecer a autonomía persoal de persoas maiores ou con discapacidade.

h) Calquera intervención que facilite a accesibilidade universal nos espazos do interior das vivendas (unifamiliares, agrupadas en fila ou en edificios de tipoloxía residencial colectiva) ou nos propios edificios de tipoloxía residencial colectiva obxecto deste programa, así como nas súas vías de evacuación. Inclúense obras dirixidas á ampliación de espazos de circulación dentro da vivenda que cumpran coas condicións do Código técnico da edificación no referido a vivenda accesible, así como para mellorar as condicións de accesibilidade en baños e cociñas, así como as modificacións e adaptacións necesarias e adecuadas ás necesidades específicas das persoas con discapacidade que habitan as vivendas. Inclúense, así mesmo, as obras necesarias e complementarias sobre elementos directamente relacionados coa actuación de mellora de accesibilidade universal e cuxo mal estado de conservación aconselle a intervención.

i) Calquera intervención que mellore o cumprimento dos parámetros establecidos no documento básico do Código técnico da edificación DB-SUA, seguridade de utilización e accesibilidade. En particular, a instalación de elementos que melloren a accesibilidade e seguridade de utilización nos ascensores, como a mellora da nivelación da cabina.

Persoas beneficiarias:

Poderán ser beneficiarias das axudas deste programa, sempre que se trate de persoas físicas ou xurídicas de natureza privada:

a) As persoas propietarias ou usufrutuarias de vivendas unifamiliares illadas ou agrupadas en fila.

b) As persoas propietarias ou usufrutuarias de edificios de tipoloxía residencial de vivenda colectiva.

c) As persoas propietarias ou usufrutuarias de vivendas incluídas nun edificio de tipoloxía residencial de vivenda colectiva.

d) As comunidades de persoas propietarias ou as súas agrupacións, constituídas conforme o disposto polo artigo 5 da Lei 49/1960, do 21 de xullo, de propiedade horizontal.

e) As sociedades cooperativas de vivendas integradas por socios cooperativistas que precisen aloxamento para si ou os seus familiares, as sociedades cooperativas compostas de forma agrupada por persoas propietarias de vivendas ou edificios que reúnan os requisitos establecidos no artigo 396 do Código civil, así como, polas persoas propietarias que conforman comunidades de persoas propietarias ou agrupacións de comunidades de persoas propietarias, constituídas conforme o disposto no artigo 5 da Lei 49/1960, do 21 de xullo.

f) As persoas propietarias que, de forma agrupada sexan propietarias de edificios, que reúnan os requisitos establecidos polo artigo 396 do Código civil e non tivesen outorgado o título constitutivo de propiedade horizontal.

g) As empresas construtoras, arrendatarias ou concesionarias dos edificios, así como cooperativas, que acrediten a dita condición mediante contrato vixente a suficiente prazo coa propiedade, que lles outorgue a facultade expresa para acometer as obras de rehabilitación obxecto do programa.

h) As persoas arrendatarias de vivendas, no suposto de que as obras ou actuacións non sexan de obrigada execución pola persoa propietaria e ambas as partes acorden que a arrendataria costee ao seu cargo as actuacións de mellora da accesibilidade, con cargo a parte ou á totalidade da renda arrendaticia.

Requisitos das vivendas unifamiliares:

-       Estar rematadas antes de 2006. Non se exixirá este requisito no suposto de que na vivenda habiten persoas cun grao de discapcidade recoñecido igual ou superior ao 33 %.

-       Que constitúan o domicilio habitual e permanente das súas persoas propietarias

Contía máxima das axudas:

-       Vivendas unifamiliares: 12.500 € por vivenda con carácter xeral.

-       Edificios de vivendas de tipoloxía residencial colectiva: 9.000 € por vivenda e 90 €/m2 de superficie construida de uso comercial con carácter xeral,

-       Vivendas situadas en edificios de tipoloxía residencial colectiva: 6.000 € por vivenda con carácter xeral.

-       Estas tres axudas terán os seguintes incrementos: 15.000 € si reside unha persoa con discapacidade, 18.000 € si acredita un grao de discapacidade igual ou superior ao 33 %

Prazo de presentación: 05/10/2022 - 07/11/2022, ou ata o esgotamento do crédito. As subvencións vanse resolvendo por orde de entrada.

Informa: DOG nº 189 de data de 4 de outubro de 2022

O Instituto Galego de Vivenda e Solo acaba de abrir o prazo para a presentación de solicitudes para o PROGRAMA DE AXUDAS PARA A ADQUISICIÓN DE VIVENDAS

REQUISITOS DOS BENEFICIARIOS:

-          Posuir a nacionalidade española ou dalgún dos Estados membros da UE ou do espazo económico Europeo.

-          Ter menos de 35 anos, incluida a idade de 35 anos, no momento de solicitar a axuda.

-          Que a persoa solicitante e as demais persoas integrantes da súa unidade de convivencia estean empadroadas na vivenda adquirida no momento de presentación da solicitude.

-          Dispoñer duns ingresos anuais por parte das persoas que compoñen a unidade de convivencia iguais ou inferiores a tres veces o Indicador Público de Renda de Efectos Múltiples (IPREM).

-          Ter subscrito un contrato privado ou unha escritura pública de adquisición de vivenda con posterioridade a 1/01/2022, salvo para aquelas persoas que tendo solicitada a axuda en 2021 se lles denegara por esgotamento de crédito.

REQUISITOS DA VIVENDAS:

Polo que respecta ás vivendas, estas deberán cumprir as seguintes condicións:

-          Estar emprazada nun concello de menos de 10.000 habitantes.

-          Que se trate dunha vivenda xa construída. Para estes efectos, admitiranse tanto as vivendas novas como as usadas.

-          O prezo de adquisición da vivenda, incluídos os seus anexos, sen os gastos e tributos inherentes a ela, será igual ou inferior a 120.000 €.

-          Que a persoa solicitante e as demais persoas integrantes da súa unidade de convivencia estean empadroadas na vivenda adquirida no momento de presentación da correspondente solicitude.

-          Que nin a persoa solicitante nin ningunha das persoas integrantes da súa unidade de convivencia sexan propietarias ou usufructuarias dalgunha vivenda en territorio español.

AXUDAS:

Os beneficiarios deste programa poderán acceder ás seguintes axudas:

Subvención de ata 10.800 € por vivenda, co limite máximo do 20 % do prezo de venda.

PRAZO PRESENTACIÓN SOLICITUDES:

Ata o 30 de setembro de 2022 ou ata o esgotamento do crédito orzamentario.

INFORMACIÓN:

Resolución do 1 de agosto de 2022 do Instituto Galego da Vivenda e Solo, DOG nº 154 de 12 de agosto de 2022. Para máis información poden acudir ao Concello de Ourol a través do Axente de Emprego e Desenvolvemento Local, en horario de 9:00 a 14:00 horas ou ben chamar ao teléfono 982-559109.

Ourol Informa

ROCKEAMOS TODAS CON PAKOLAS

26 DE NOVEMBRO. AUTOCINE. VILAMOR

PROGRAMA DE ACTIVIDADES DO 25 DE NOVEMBRO: POLA IGUALDADE E CONTRA A VIOLENCIA DE XÉNERO

XUNTOS NO NADAL

BONOS ACTIVA COMERCIO

CAMPAÑA VACINATE DA GRIPE

PROGRAMA BENESTAR EN BALNEARIOS 2022

SUBVENCIÓNS DO PROGRAMA DE MELLORA DA ACCESIBILIDADE EN VIVENDAS

PROGRAMA COIDADOS PORTA A PORTA

AXUDAS PARA OS PERMISOS DE CONDUCIÓN CLASES B, C e D

PROGRAMA PORTA A PORTA

PROGRAMA EDUCANDO EN FAMILIA

ENTRENAMENTO DA MEMORIA PARA PERSOAS MAIORES

XIMNASIA DE MANTEMENTO PARA PERSOAS MAIORES

EXPOSICIÓN PUBLICA LISTAS CANDIDATOS XURADO

VOLTA ÁS CLASES. LECTURAS ESCOLARES

RUTA CAMIÑO NORDÉS: TREITO VIVEIRO - OUROL

OFERTA EMPREGO CONCELLO DE OUROL: 1 AUXILIAR DE FOGAR. XORNADA COMPLETA

EXCURSIÓN PONTEMACEIRA-CASCADA DO ÉZARO- FARO DE FISTERRA

BASES AXUDAS LIBROS DE TEXTO E MATERIAL ESCOLAR INFANTIL, PRIMARIA, SECUNDARIA E EDUC. ESPECIAL PARA O CURSO 2022/2023

AXUDAS TRANSPORTE ALUMNADO CONCELLO DE OUROL (2ª CONVOCATORIA)

BASES SELECCIÓN OBRADOIRO DUAL DE EMPREGO TERRAS DO SOR VI

PROGRAMA DE AXUDAS PARA A ADQUISICIÓN DE VIVENDAS

OFERTA EMPREGO VACANTE 1 PRAZA PEON FORESTAL

OFERTA EMPREGO CONCELLO DE OUROL: 1 LIMPADOR/A. XORNADA PARCIAL (50 %)