INFORMACIÓN DE INTERESE PARA FAMILIAS E PROFESIONAIS

O luns, 6 de maio ás 10:00 h, comeza esta actividade. Xa están anotadas 21 persoas. A que esperas? Aínda estás a tempo de participar chamando ó teléfono 982 55 90 19. Anímate a participar!

A banda de música "O Landro" de Viveiro ofrece o próximo día 4 de maio ás 20:30 h o concerto "Un día no circo" na Igrexa Parroquial de Bravos. Esperamos a vosa asistencia. Entrada libre.

Este sábado no polideportivo municipal de Ourol, partido da 25ª xornada da Primeira Galicia. (Liga Provincial) SD Ourol vs Os Meigallos (Sarria) Sábado 4 de maio 17:00 horas Entrada gratuita

A banda de música "O Landro" de Viveiro ofrece o próximo día 4 de maio ás 20:30 h o concerto "Un día no circo" na Igrexa Parroquial de Bravos. Esperamos a vosa asistencia. Entrada libre.

- Estás preocupado pola túa saúde? - Gustaríache cambiar os teus hábitos de alimentación? - Tes dor de espalda, pernas, ombros e non sabes que facer? - Tes nenos pequenos e queres aprender trucos para a súa alimentación ou para durmilos? - Queres aprender a mover pesos? - Queres aprender a camiñar correctamente? Si a resposta a maioría destas preguntas e SI acompáñanos no PROGRAMA OUROL SAUDABLE e aprenderás como facelo. Durante os meses de maio e xuño todos os luns reunirémonos e falaremos dos temas de saúde que mais che interesen e, cando o tempo o permita faremos exercicios no parque bio-saudable e no paseo da Rega. Queremos que veñas e si non é posible buscaremos a forma de adaptarnos para que poidas asistir.

Hoxe celébrase o día do libro e desde a Biblioteca de Ourol animámoste a celebralo da mellor maneira: lendo un libro. Escolle o que máis che guste na nosa biblioteca: misterio, aventuras, ciencia ficción, novela contemporánea, novela histórica, novela romántica, libros de lectura fácil, clásicos, infantil, xuvenil...

O Goberno local do Concello, vén de acadar un acordo beneficioso para os intereses municipais, co promotor do parque eólico Pena Ventosa, no que se compromete a mellorar o trazado e a botar un novo firme de aglomerado en quente, nas vías municipais empregadas nas obras do parque, e o máis importante, é que non suporá ningún custe, para arcas municipais. As vías municipais afectadas, son a de Sebrán na parroquia do Sisto a Leganitos (Muras), e a do Alto da Veiga no Sisto a carreteira provincial CP 3805, polo que se pide PRECAUCIÓN e paciencia.

A BPM de Ourol recoméndache estas lecturas para as vacacións de Semana Santa. Unha selección de 5 libros en castelán e outros 5 en galego que están dispoñibles na nosa biblioteca.

- Estás preocupado pola túa saúde? - Gustaríache cambiar os teus hábitos de alimentación? - Tes dor de espalda, pernas, ombros e non sabes que facer? - Tes nenos pequenos e queres aprender trucos para a súa alimentación ou para durmilos? - Queres aprender a mover pesos? - Queres aprender a camiñar correctamente? Si a resposta a maioría destas preguntas e SI acompáñanos no PROGRAMA OUROL SAUDABLE e aprenderás como facelo. Durante os meses de maio e xuño todos os luns reunirémonos e falaremos dos temas de saúde que mais che interesen e, cando o tempo o permita faremos exercicios no parque bio-saudable e no paseo da Rega. Queremos que veñas e si non é posible buscaremos a forma de adaptarnos para que poidas asistir. Apúntate!!!

Este sábado no polideportivo municipal de Ourol, partido da 23ª xornada da Primeira Galicia. (Liga Provincial) SD Ourol vs Lodairo (Narón) Sábado 13 de abril 17:30 horas Entrada gratuita

O equipo do Goberno local, do Concello de Ourol, adxudicou obras de reforzo e rehabilitación do firme, da varias pistas municipais, que se atopan cun firme irregular e envellecido. As obras consistirán na limpeza de cunetas, e colocación dun novo firme de aglomerado en quente na pista de acceso a Penaseixo en Bravos. Tamén se mellorará o acceso a Burgas en San Pantaléon, mellorando o firme mediante dobre rego e limpando as cunetas, finalmente actuarase no firme da pista, que da acceso a parroquia de San Pantaleón, que se atopa con peladuras e fochas xeneralizadas. Dende o Concello continuarase nesta liña, mellorando as vías do concello, sendo unha prioridade dende o comenzo deste mandato, co obxectivo de mellorar a seguridade e a comodidade na circulación.

A deputación de Lugo, en colaboración do Colexio Oficial de Graduados Sociais de Lugo, presta un servizo profesional de orientación socio-laboral, gratuito, dirixido aos colectivos máis desfavorecidos e/ou con dificultades económicas. Inclúe asesoramento e información sobre as seguintes materias: Prestacións, pensións, conflictos laborais, prestacións da seguridade social, prestacións por desemprego, contratación, reclamacións salarais, dereitos e deberes na relación laboral, relacións laborais de estranxeiros en España... Para solicitar unha cita de asesoramento sobre calquera destas materias debe poñerse en contacto co departamento de servizos sociais.

Prazo de solicitude: desde o 4 de abril ata o 3 de maio de 2019, incluídos. Persoas destinatarias: As persoas que teñan recoñecida unha discapacidade, cun grao igual ou superior ao 33%, e unha idade comprendida entre os 11 e os 40 anos. Prezo xeral: 125 € | Prezo con Título de familia numerosa (-50%): 62,5€ | Prezo con Carné xove (-25%): 93,75€

As contas de pago básicas permiten realizar servizos bancarios como ter domiciliada a nómina, dispoñer dunha tarxeta de débito, realizar retiradas de efectivo en caixeiros e transferencias dentro da Unión Europea. O custo máximo desta conta non poderá ser maior de tres euros ao mes, e cubre todos os servizos, cun límite para transferencias e domiciliacións de 120 operacións anuais. Requisitos económicos: a) Non superar os seguintes límites de ingresos económicos brutos, computados anualmente e por unidade familiar Dúas veces o IPREM de doce pagas, vixente no momento de efectuar a solicitude cando se trate de persoas non integradas en ningunha unidade familiar. Dúas veces e media o IPREM cando se trate de persoas integradas nalgunha das modalidades de unidade familiar con menos de catro membros. O triplo do IPREM cando se trate de unidades familiares integradas por catro ou máis membros ou que teñan recoñecida a súa condición de familia numerosa de acordo coa normativa vixente. O triplo do IPREM cando se trate de unidades familiares con unha persoa con recoñecemento de grao de discapacidade igual ou superior ao 33 por cento.

A Xunta de Goberno Local do Concello, adxudicou as obras dunha nova instalación eléctrica no centro social de BRAVOS por case 12.000€. Con esta obra, trátase de emendar os defectos detectados pola empresa distribuidora BEGASA, polo que os traballos previsiblemente comezarán este mes de abril. Dende o Concello apostase, para que os centros públicos, teñan unhas instalacións dignas, e cumpran coa normativa vixente. A Corporación municipal, continuará, de esta maneira, co seu plan de mellora dos barrios e das infraestruturas, atendendo as necesidades, que lles transmiten os veciños e veciñas.

Oferta de prazas para estadías e tratamentos a través da talasoterapia (DOG. Núm. 64 de 2/04/2019) Requisitos: maiores de 60 anos ou 55 anos (pensionistas) Meses: entre maio e novembro de 2019 Servizos: Aloxamento con pensión completa (6 días) e acceso diario a circuito mariño. Establecementos: Hotel Talaxo Louxo (Illa da Toxa) e Thalasso Cantábrico (Viveiro) Prezo por praza: 201,00€ Prazo de solicitudes: Ata o 3 de maio de 2019

A Xunta convoca a oferta de prazas de tratamento termal en diferentes balnearios de Galicia entre os meses de maio e outubro (DOG. nÚm. 64 do 2/04/2019) Requisitos: ser maior de 60 anos ou 55 anos (sendo pensionista) Servizos: aloxamento e pensión completa, tratamentos termais, Programa de actividades socioculturais e poliza colectiva de seguro turístico. Prezo por praza: De 287,50 € a 361,00€ Prazo de presentación de solicitudes: 3 de maio de 2019

Hoxe celébrase o día do Libro Infantil e Xuvenil . A Biblioteca de Ourol celebra este día e invita a todos/as a acudir á biblioteca para gozar das últimas novidades en literatura infantil e xuvenil. Nas nosas dependencias podes atopar libros adaptados ás diferentes idades e con temáticas variadas. -Libros para nenos/as de 0 a 3 anos: libros de xoguete para tocar, xogar, de distintas texturas, brandos, de tela, plastificados. Libros con grandes imaxes e sen letras para que os nenos/as xoguen con eles e se familiaricen cos libros desde os primeiros anos. -Libros de 3 a 6 anos: libros imaxinativos, participativos, con xogos creativos, de animais, maxia e historias familiares. -Libros de 6 a 9 anos: nestas idades os temas máis demandados son as aventuras, libros de heroes, ciencia ficción, detectives e misterio. -De 10 a 12 anos: libros de aventuras, viaxes, novelas de misterio, terror e series de libros que manteñen o interese pola lectura. -Adolescentes: libros que abordan a temática adolescente, as súas preocupacións, medos, sentimentos a través de personaxes de ficción cos que se senten identificados. Temáticas como a ecoloxía, o amor, sexismo, racismo, novelas de misterio, cómics… están entre os máis demandados. Disfruta deste día e elixe o teu libro.

A Xunta de Goberno Local do Concello, adxudicou as obras dunha nova instalación eléctrica no centro social de Merille por case 7.000,00€. Esta mellora, únese a outras que se levaron a cabo nos últimos meses, como foron a substitución completa da cuberta, a reforma dos aseos, a colocación dunha fosa séptica e, a eliminación de parte do talude traseiro do edificio, por importe de case 90.000,00€. Con esta inversión esperase mellorar a rede eléctrica do centro, dentro da aposta clara de que os centros públicos do Concello, teñan unhas instalacións dignas. A Corporación municipal, continuará, de esta maneira, co seu plan de mellora dos barrios e das infraestruturas, atendendo as necesidades, que lles transmiten os veciños e veciñas.

Convocadas 90 prazas, cunha duración de entre 7 e 10 días, en réxime de pensión completa entre finais de xuño e principios de setembro. Requisitos: - Ter fillas e fillos exclusivamente ó seu cargo e con idades entre os 2 e 12 anos. - Non convivir con parella afectiva. - Empadroamento e residencia efectiva en calquer concello de Galicia. - Que os ingresos mensuais brutos non superen o límite de 806,76€ - Non padecer ela, nin as fillas/os menores que a acompañen, unha enfermidade que requira illamento e/ou impida a normal convivencia. PRAZO DE PRESENTACIÓN SOLICITUDES: 2 de maio.

Vacacións en Paz é un proxecto de acollida temporal de nenos e nenas saharauis durante os meses de xuño e agosto, que en Galicia desenvolve Solidariedade Galega co Pobo Saharaui (SOGAPS), a petición expresa do goberno da República Árabe Saharaui Democrática (RASD). Galicia ven participando nesta iniciativa solidaria dende o ano 1991, ofrecendo ás familias saharauis a posibilidade de que as súas fillas e os seus fillos disfruten dunha estancia agradable, humana e culturalmente rica, baixo a supervisión e os cuidados das familias acolledoras galegas.

O Goberno Local, do Concello, adxudicou as obras de substitución dos canlóns, que rodean todo o edificio, mailas baixantes, xa que observaron que estaban podres e picados, repercutindo no interior do edificio. Esta actuación era necesaria para os usuarios do centro, para que poidan facer uso do mesmo, nas mellores condicións posibles.

O Goberno local do Concello de Ourol, vén de acordar, co construtor do edificio Multiusos, levar a cabo as obras de eliminación das filtracións de agua, existentes actualmente na cuberta do edificio, sen custe para as arcas municipais. Trátase de unha obra importante e demandada en distintas ocasións, polas nosas veciñas e veciños, a un problema construtivo.

CHARLA INFORMATIVA SOBRE O DANO CEREBRAL ADQUIRIDO (Ictus, accidentes de tráfico... prevención e rehabilitación) XOVES 4 DE ABRIL ÁS 11:30 NO EDIFICIO MULTIUSOS